சென்னை
இந்திய அணி டி 20 உலகக்கோப்பையை வென்றதற்கு தமிழக முதல்வர் மு க ஸ்டாலின் வாழ்த்து தெரிவித்துள்ளார்.
நேற்று நடைபெற்ற டி20 உலகக்கோப்பை தொடரின் இறுதிப்போட்டியில் இந்திய அணி 7 ரன்கள் வித்தியாசத்தில் தென் ஆப்பிரிக்க அணியை வீழ்த்தியது. மேலும் இதன் மூலம் 2-வது முறையாக டி20 உலகக்கோப்பையை கைப்பற்றி அசத்தியது.
உலகக் கோப்பை போட்டியில் சாம்பியன் பட்டம் வென்ற இந்திய அணிக்கு பிரதமர் மோடி உட்பட பல்வேறு தரப்பில் இருந்தும் வாழ்த்துக்கள் குவிந்து வருகிறது. உலகக்கோப்பையை வென்ற இந்திய அணிக்கு முதல்வர்ர் மு.க.ஸ்டாலின் வாழ்த்து தெரிவித்துள்ளார்.
மு க ஸ்டாலின் தனது எக்ஸ் தளத்தில்,
“நமது இந்திய அணி டி20 உலகக்கோப்பையை முழுமையான ஆதிக்கத்துடன் வென்றதை கொண்டாடுவதில் மகிழ்ச்சி’. நமது இந்திய அணி சவாலான சூழ்நிலைகளில் இணையற்ற திறமையை வெளிப்படுத்தி, முறியடிக்க முடியாத சாதனையுடன் முடித்தது. இந்திய அணிக்கு வாழ்த்துக்கள்.”
என்று பதிவிட்டுள்ளார்.