டெல்லி: இந்தியாவில் இதுவரை 6பேருக்கு குரங்கம்மை தொற்று உறுதியாகி உள்ள நிலையில், குரங்கம்மை நோயால் ஒருவர் கேரளாவில் உயிரிழந்து உள்ளதாகவும் மத்திய சுகாதாரத்துறை அமைச்சகம் உறுதி செய்துள்ளது.
உலகம் முழுவதும் 75வெவ்வேறு நாடுகளில் 16,000க்கும் மேற்பட்ட குரங்கம்மை நோய் தொற்றுகள் பதிவு செய்யப்பட்டுள்ளன என உலக சுகாதார அமைப்பு தெரிவித்து உள்ளது. ஆப்பிரிக்காவிற்கு வெளியே உள்ள பெரும்பாலான நோய்த்தொற்றுகள் உலகளவில் (MSM) மற்ற ஆண்களுடன் உடலுறவு கொள்ளும் ஆண்களிடம் பரவி இருப்பது கண்டறியப்பட்டுள்ளன.
இந்தியாவில் முதல் குரங்கம்மை தொற்று பதிவு, ஜூலை 14அன்று, ஐக்கிய அரபு எமிரேட்ஸில் இருந்து கேரளா திரும்பி வந்த 35 வயதான ஒருவருக்கு கண்டறியப்பட்டது. ஜூலை 13 ஆம் தேதி துபாயிலிருந்து கண்ணூருக்குப் பயணம் செய்த 31 வயது நபர், ஜூலை 18 ஆம் தேதி கேரளா உறுதிப்படுத்திய இரண்டாவது வழக்கு, ஜூலை 6 ஆம் தேதி ஐக்கிய அரபு எமிரேட்ஸில் இருந்து மலப்புரம் சென்ற 35 வயது நோயாளி மூன்றாவது வழக்கை கேரளா உறுதி செய்தது.
முதல் வழக்கு கண்டுபிடிக்கப்பட்ட பிறகு, பொது சுகாதார நடவடிக்கைகளை ஒருங்கிணைக்க மையத்தில் இருந்து ஒரு பல்துறை குழு கேரளா வுக்கு அனுப்பப்பட்டது. இதற்கிடையில், ஜூலை 30அன்று ஒருவர் திடீரென இறந்தது சர்ச்சையை ஏற்படுத்தியது. அவருக்கு குரங்கம்மை பாதிப்பு இருந்ததாக குற்றம் சாட்டப்பட்டது. இதையடுத்து இறந்த 22 வயது இளைஞனின் மாதிரிகள் நேர்மறை சோதனை செய்ததை கேரள அரசு உறுதிப்படுத்தியது, அவரை இந்தியாவின் முதல் குரங்கு காய்ச்சலால் இறந்தவர்.
இந்த நிலையில், தலைநகர் டெல்லியில், அடையாளம் வெளியிடப்படாத நைஜீரிய நபர் ஒருவருக்கு, குரங்கம்மை தொற்று உறுதி செய்யப்பட்டு உள்ளது. 35 வயதான அவர், இந்திய தலைநகர் டெல்லியில் வசிக்கிறார். சமீப காலங்களில் வெளிநாட்டுப் பயணம் மேற்கொள்ளாத அவருக்கு, குரங்கம்மைத் தொற்று உறுதி செய்யப்பட்டது பெரும் பரபரப்பை ஏற்படுத்தியுள்ளது. நோயாளியின் மாதிரிகள் புனேவில் உள்ள தேசிய வைராலஜி நிறுவனத்திற்கு (என்ஐவி) அனுப்பப்பட்டன. டெல்லியில், இவர் இரண்டாவது நபராக இருக்கும் நிலையில், இந்தியாவில் கண்டுபிடிக்கப்பட்ட ஆறாவது குரங்கம்மை பாதிக்கப்பட்டவராக இவர் அடையாளம் காணப்படுகிறார்.
பாதிக்கப்பட்ட நபர், டெல்லியில் உள்ள லோக் நாயக் ஜெய் பிரகாஷ் நாராயண் (LNJP) அரசு மருத்துவமனையில், குரங்கம்மைக்கான பிரத்யேக பிரிவில் தனிமைப்படுத்தப்பட்டுள்ளார். ஏற்கனவே, ஆப்ரிக்காவைச் சேர்ந்த இரண்டு பேர் இந்த மருத்துவமனையில் குரங்கம்மை அறிகுறி காரணமாக அனுமதிக்கப்பட்டது குறிப்பிடத்தக்கது.
இதற்கிடையில், ராஜஸ்தான் மாநிலத்தில் குரங்கு காய்ச்சலால் பாதிக்கப்பட்ட முதல் வழக்கு பதிவாகியுள்ளது. நோயாளி அரசு மருத்துவமனை யில் அனுமதிக்கப்பட்டு அவரது மாதிரிகள் சேகரிக்கப்பட்டுள்ளன.