சுதந்திரத்திற்கு வித்திட்ட ‘வெள்ளையனே வெளியேறு’ 75வது நினைவு ஆண்டு இன்று!

கஸ்டு புரட்சி என்று அழைக்கப்பட்ட வெள்ளையனே வெளியேறு இயக்கத்தின் 75-வது நினைவு ஆண்டு இது.

ஆங்கிலேய ஆட்சிக்கு எதிரான இந்திய விடுதலைப் போராட்டம் ஒரு நூற்றாண்டுக்கு மேல் நடந்திருக்கிறது.

பல வகைப்பட்ட போராட்டங்களில், அனைத்தும் சிகரமாக 1942ம் தொடங்கப்பட்ட   ‘வெள்ளையனே வெளியேறு’ (Quit India Movement) போராட்டம்தான் அவர்கள் இந்தியாவை விட்டு வெளியேற காரணமாக அமைந்தது.

இந்திய விடுதலைக்கான மிக முக்கியமான போராட்டங்களில் ஒன்றாக இது வரலாற்று ஆய்வாளர்களால் குறிப்பிடப்படுகிறது.

ஜூலை 1942-ல் வார்தாவில் கூடிய இந்திய தேசிய காங்கிரஸின் செயற்குழு வெள்ளையனே வெளியேறு இயக்கத்துக்கான வழியைத் தொடங்கியது.

ஆகஸ்ட் 8, 1942-ல் பம்பாயில் கூட்டிய காங்கிரஸ் மாநாட்டில் இந்த இயக்கத்தை முன்னெடுத்துச் செல்லத் தீர்மானம் நிறைவேற்றப்பட்டது.

மாநாட்டில் பேசிய காந்தி ‘செய் அல்லது செத்து மடி’ என்ற கோஷத்தை வலியுறுத்தி ‘வெள்ளையனே வெளியேறு’ இயக்கத்தைத் தொடங்கிவைத்தார்.

அடுத்த நாள் (ஆகஸ்ட் 9, 1942) காங்கிரஸ் தலைவர்கள் பலரையும் ஆங்கிலேய அரசு சிறைப்பிடித்தது.

இந்தக் கைதுகள் போராட்டத்தை ஒடுக்குவதற்குப் பதிலாக மக்களின் உணர்ச்சிகளை உசுப்பிவிட்டது. தலைவர்கள் கைதுசெய்யப்பட்டதைக் கண்டு ஆவேசமடைந்த மக்கள் பெரும் திரளாகப் போராட்டத்தில் குதித்தார்கள். இதற்குப் பின்னரே விடுதலைப் போராட்டம் வெகுஜனப் போராட்டமாக உருவெடுத்தது.

சுதந்திர போராட்டங்களிலேயே  பிரிட்டிஷ் அரசை அசைத்துப் பார்த்த மாபெரும் போராட்டம் வெள்ளையனே வெளியேறு போராட்டம்.

இந்த போராட்டத்தை அடக்க அரசு பல இடங்களில் துப்பாக்கிச் சூடு நடத்தியது. டில்லியில் நடந்த துப்பாக்கிச் சூட்டில் 76 பேர் சுட்டுக் கொல்லப்பட்டனர். மக்கள் பெருமளவில் கைதுசெய்யப்பட்டு விசாரணை இல்லாமல் தண்டனை பெற்றார்கள்.

ஒத்துழையாமை இயக்கம் எனவும் அழைக்கப்பட்ட இந்த இயக்கம் ஆகஸ்ட் புரட்சி என்றும் அழைக்கப்படுகிறது.

வெள்ளையனே வெளியேறு இயக்கத்தின் 75-வது நினைவு ஆண்டு இது.


English Summary
That led Independence ''Quit India Movement' 75th anniversary today!