சென்னை: தமிழ்நாடு காங்கிரஸ் கட்சி தலைவர் கே.எஸ்.அழகிரி பிறந்தநாள் இன்று கொண்டாடப்படுகிறத. இதையொட்டி, தமிழ்நாடு காங்கிரஸ் கட்சியின் துணைத்தலைவர் இராம சுகந்தன் வாழ்த்து தெரிவித்து உள்ளார்.
தமிழ்நாடு காங்கிரஸ் கமிட்டி தலைவர் கே எஸ் அழகிரி 70 வது பிறந்த நாள் நான்று காங்கிரஸ் கட்சியின் முன்னணி தலைவர்கள் மற்றும் தொண்டர்களால் கொண்டாடப்பட்டு வருகிறது.
மாநிலத் தலைவர் கே எஸ் அழகிரியின் 70வது பிறந்தநாளையொட்டி, அவருக்கு தமிழ்நாடு காங்கிரஸ் கமிட்டி துணைத்தலைவர் வாழப்பாடி இராம சுகந்தன் வாழ்த்துக்கள் தெரிவித்துள்ளார்.
தமிழ்நாடு காங்கிரஸ் கமிட்டி தலைவர் திரு. கே.எஸ். அழகிரி 70-வது பிறந்தநாளை முன்னிட்டு, இன்று காலை 10.30 மணியளவில், மாநில காங்கிரஸ் கமிட்டியின் தலைமையகமான சென்னை சத்தியமூர்த்தி பவனில், மத்திய சென்னை மேற்கு மாவட்ட காங்கிரஸ் கமிட்டி தலைவர் திரு. எம்.பி. ரஞ்சன்குமார் ஏற்பாட்டில் 70 கிலோ எடையுள்ள பிறந்தநாள் கேக் வெட்டுதல், ஏழை, எளியவர்களுக்கு நலத்திட்ட உதவிகள் வழங்குதல் நிகழ்ச்சி நடைபெற்றது.
இந்த நிகழ்ச்சியில் சட்டமன்ற காங்கிரஸ் கட்சித் தலைவர் கு. செல்வப்பெருந்தகை, எம்.எல்.ஏ., தமிழ்நாடு காங்கிரஸ் கமிட்டி முன்னாள் தலைவர்கள் கே.வீ. தங்கபாலு, ஈ.வெ.கி.ச. இளங்கோவன், அகில இந்திய காங்கிரஸ் பொறுப்பாளர் டாக்டர் ஏ. செல்லக்குமார், எம்.பி., தமிழ்நாடு காங்கிரஸ் செயல் தலைவர் டாக்டர் கே. ஜெயக்குமார், எம்.பி., அகில இந்திய காங்கிரஸ் செயலாளர்கள் சி.டி. மெய்யப்பன், கிறிஸ்டோபர் திலக், தமிழ்நாடு காங்கிரஸ் பொருளாளர் டாக்டர் ரூபி ஆர். மனோகரன், எம்.எல்.ஏ., சட்டமன்ற காங்கிரஸ் கட்சி துணைத் தலைவர் எஸ். ராஜேஷ்குமார், எம்.எல்.ஏ., ஆகியோர் பங்கேற்று நலத்திட்ட உதவிகளை வழங்கினார்கள்
இந்த விழாவில், தமிழ்நாடு காங்கிரஸ் மாநில நிர்வாகிகள், மாவட்டத் தலைவர்கள், நாடாளுமன்ற, சட்டமன்ற உறுப்பினர்கள், முன்னணி அமைப்புகள், துறைகள், மற்றும் பிரிவுகளின் தலைவர்கள் மற்றும் பலர் கலந்து கொண்டனர்.