பாண்டிராஜ் இயக்கத்தில், சன் பிக்சர்ஸ் தயாரிக்கும் படத்தில் சூர்யா நடித்து வருகிறார். இது சூர்யாவின் 40-வது படம்.
ப்ரியங்கா மோகன் இதில் நாயகியாக நடிக்கிறார். சத்யராஜ், சரண்யா பொன்வண்ணன், ஜெயப்பிரகாஷ் உள்ளிட்டவர்களும் நடிக்கின்றனர். ரத்னவேலு ஒளிப்பதிவு செய்ய டி.இமான் இசையமைக்கிறார் .
கொரோனா இரண்டாம் அலை ஊரடங்கால் நிறுத்தி வைக்கப்பட்டிருந்த இப்படத்தின் படப்பிடிப்பு ஜுலை 13-ஆம் தேதி மறுபடியும் தொடங்கியதை ஒளிப்பதிவாளர் ரத்னவேலு உறுதி செய்துள்ளார்.
இன்னும் பெயரிடப்படாத இந்தப் படத்தை ‘சூர்யா 40’ என அழைத்து வருகிறது படக்குழு. தனது பிறந்த நாளை ஜூலை 23-ம் தேதி கொண்டாடவுள்ளார் சூர்யா. அன்றைய தினத்தில் ‘சூர்யா 40’ படத்தின் ஃபர்ஸ்ட் லுக் போஸ்டரைத் படக்குழு வெளியிடும் என ரசிகர்கள் எதிர்பார்த்தனர்.
இந்நிலையில் இந்தப் படத்தின் பெயர் மற்றும் ஃபர்ஸ்ட் லுக்கை வரும் 22 ஆம் தேதி மாலை 6 மணிக்கு வெளியிடுவதாக சன் பிக்சர்ஸ் அறிவித்துள்ளது.