டெல்லி: தீபாவளியை முன்னிட்டு ராகுல் காந்தி வெளியிட்டுள்ள வாழ்த்து செய்தியில், முன்னோக்கி செல்லும் பாதையை ஒளிரச் செய்யுங்கள் என தெரிவித்துள்ளார்.
நாடு முழுவதும் 24ந்தேதி தீபாவளி பண்டிகை கோலாகலமாக கொண்டாடப்பட்டது. இன்றும் பல இடங்களில் கொண்டாடப்பட்டு வருகிறது. இந்த நிலையில், குமரி முதல் காஷ்மீர் வரை பாரத் ஜோடோ யாத்திரை மேற்கொண்டு வரும் ராகுல்காந்தி, தீபாவளி மற்றும் அகில இந்திய காங்கிரஸ் தலைவர் பதவி ஏற்பு போன்ற காரணங்களால், யாத்திரைக்கு 3 நாள் விடுமுறை அறிவித்து உள்ளார். அதன்படி, 24ந்தேதி முதல் 26ந்தேதிவரை யாத்திரைக்கு விடுமுறை அறிவித்து விட்டு, டெல்லி சென்றுள்ளார்.
இந்த நிலையில், அவர் வெளியிட்டுள்ள தீபாவளி வாழ்த்துச் செய்தியில், இந்த அழகான பாரத் ஜோடோ யாதாவில் தன்னுடன் கைகோர்த்து, உங்கள் மீதும், உங்கள் மீதும், இந்தியாவின் உண்மையான மதிப்புகள் மீதும் உள்ள நம்பிக்கை கொண்டு, வெறுப்பைத் தோற்கடித்து, முன்னோக்கி செல்லும் பாதையை ஒளிரச் செய்யுங்கள் என்று தெரிவித்து உள்ளார்.
மேலும், பேசாதே, செயல்படு, சொல்லாதே, காட்டு, உறுதியளிக்க வேண்டாம், நிரூபிக்கவும் என நம்பிக்கையூட்டும் வார்த்தைகளை குறிப்பிட்டு, உங்களுக்கும் உங்கள் குடும்பத்தினருக்கும் எனது இனிய தீபாவளி நல்வாழ்த்துக்கள் என தெரிவித்து உள்ளார்.
