மோடி வருகை : ஸ்ரீரங்கத்தில் இன்றும் நாளையும் கடைகள் மூடல்

 திருச்சி

பிரதமர் மோடியின் வருகையையொட்டி இன்றும் நாளையும் ஸ்ரீரங்கத்தில் கடைகள் முடப்பட உள்ளன.

நாளை தமிழகத்துக்கு பிரதமர் மோடி 3 நாட்கள் பயணமாக வருகிறார்.  அவர் சென்னையில் ‘கேலோ’ இந்தியா விளையாட்டுப் போட்டியை தொடங்கி வைத்த பின் ஸ்ரீரங்கம், ராமேஸ்வரம் கோவில்களுக்கும் சென்று தரிசனம் செய்கிறார். இதையொட்டி அவர் சனிக்கிழமை காலை 10.55 மணிக்கு ஸ்ரீரங்கம் கோவிலுக்குச் செல்கிறார்.

அவர் அங்கு ரங்கநாதரை தரிசித்துவிட்டு, அனைத்து சன்னதிகளுக்கும் சென்று வழிபாடு செய்கிறார். சென்னை, திருச்சி, மதுரை மற்றும் ராமேஸ்வரத்தில்  பிரதமர் மோடி வருகையையொட்டி காவல்துறையால் பலத்த பாதுகாப்பு போடப்பட்டுள்ளது.

பிரதமர் மோடி வருகையையொட்டி காவல்துறையினர் சனிக்கிழமை மதியம் வரை கடைகளை மூட வேண்டும் என அறிவுறுத்தி உள்ளனர். ஸ்ரீரங்கம் ரங்கநாதர் கோவிலைச் சுற்றியுள்ள கடைகள் இன்று மாலை முதல் மூடப்பட்டுள்ளன. ஸ்ரீரங்கத்தில் இன்றும், நாளையும் கடைகளுக்கு விடுமுறை என கடைகளின் உரிமையாளர்கள் பேப்பரில் எழுதி ஒட்டியுள்ளனர்.