திருச்சி மார்க்கமாக செல்லும் ரயில் சேவையில் மாற்றம்

திருச்சி’

திருச்சி மார்க்கமாக செல்லும் ரயில் சேவை பராமரிப்பு பணிக்காக மாற்றப்பட்டுள்ளது.

திருச்சி ரயில்வே கோட்ட அலுவலகம் சார்பில் வெளியிட்டுள்ள செய்திக்குறிப்பில்,

”மதுரை ரயில்வே கோட்டத்தின் திருச்சி மற்றும் திண்டுக்கல் இடையே பராமரிப்பு பணிகள் நடைபெறுகிறது. அதன்படி செங்கோட்டை – மயிலாடுதுறை (வண்டி எண்: 16848) நாளை (வியாழக்கிழமை), 14, 17, 28, 31-ந்தேதி மற்றும் அடுத்த மாதம் (ஜனவரி) 4, 7, 9, 11-ந்தேதியும், நாகர்கோவில் – சி சிவாஜி மஹ டி எக்ஸ்பிரஸ் (வண்டி எண்: 16352-) நாளை (வியாழக்கிழமை) மற்றும் அடுத்த மாதம் 9-ந்தேதியும், குருவாயூர் – சென்னை எழும்பூர் எக்ஸ்பிரஸ் ரெயில் (16128), இன்று (புதன்கிழமை), 13, 16, 27, 30-ந்தேதி மற்றும் அடுத்த மாதம் 3, 6, 8, 10-ந்தேதியும், கன்னியாகுமரி – ஹவுரா அதிவிரைவு எக்ஸ்பிரஸ் (வண்டி எண்: 12666), வருகிற 14, 28-ந்தேதி மற்றும் அடுத்த மாதம் 4, 11-ந்தேதி ஆகிய நாட்களில் மதுரை, திண்டுக்கல் வழியாக செல்லாமல் விருதுநகர், மானாமதுரை, காரைக்குடி, புதுக்கோட்டை, திருச்சி வழியாக செல்லும்.

இதேபோல், நாகர்கோவில் – கச்சகுடா எக்ஸ்பிரஸ் ரயில் (வண்டி எண்: 16354) வருகிற 14, 28-ந்தேதி மற்றும் அடுத்த மாதம் 4, 11-ந்தேதி ஆகிய நாட்களில் திருச்சி வழியாக செல்லாமல் திண்டுக்கல் மற்றும் கரூர் வழியாக செல்லும்.

மேலும் மயிலாடுதுறை – செங்கோட்டை மெயில் எக்ஸ்பிரஸ் ரயில் (வண்டி எண்: 16847) வருகிற 14-ந்தேதி அடுத்த மாதம் 9, 11-ந்தேதியும், கச்சகுடா – நாகர்கோவில் சிறப்பு ரயில் வருகிற 13-ந்தேதியும் அடுத்த மாதம் 10-ந்தேதியும், சென்னை எழும்பூர் – குருவாயூர் எக்ஸ்பிரஸ் ரயில் (வண்டி எண்: 16127) வருகிற 14-ந்தேதி மணப்பாறை, வையம்பட்டி, வடமதுரை, திண்டுக்கல், மதுரை வழியாக செல்லாமல், திருச்சி, புதுக்கோட்டை, காரைக்குடி, மானாமதுரை, விருதுநகர் வழியாக செல்லும்.”

எனக் கூறப்பட்டுள்ளது