சென்னை: டிசம்பர்- 2020ல் தமிழ்நாடு அரசு பணியாளர் தேர்வாணையம் மூலம் நடத்தப்பட்ட துறைத்தேர்வு முடிவுகள் இன்று வெளியிடப்பட்டு உள்ளது. டிஎன்பிஎஸ்சி இணையதளத்தில் தேர்வு முடிவுகளை அறிந்து கொள்ளலாம்.
தமிழ்நாடு அரசுப் பணியாளர் தேர்வாணையம் சார்பில், கடந்த ஆண்டு டிசம்பர் மாதம் துறைத்தேர்வுகள் நடத்தப்பட்டன. இந்த தேர்வு முடிவுகளை டிஎன்பிஎஸ்சி இன்று இணைய தளத்தில் வெளியிட்டு உளளது.
இதுதொடர்பாக தமிழ்நாடு அரசுப் பணியாளர் தேர்வாணையம் வெளியிட்டுள்ள செய்திக்குறிப்பில், தமிழ்நாடு அரசுப் பணியாளர் தேர்வாணையத்தால் 14.02.2021 முதல் 21.02.2021 வரை நடத்தப்பட்ட டிசம்பர் 2020க்கான துறைத் தேர்வுகளில், தேர்வு முடிவுகள் அறிவிக்கப்படாமல் இருந்து எஞ்சியுள்ள 14 தேர்வுகளுக்கான தேர்வு முடிவுகளை தமிழ்நாடு அரசுப் பணியாளர் தேர்வாணை இணையதளத்தில் வெளியிடப்பட்டுள்ளது.
இரண்டாம் நிலை, மூன்றாம் நிலை மொழிகளுக்கான வாய்மொழித் தேர்வு முடிவுகள் வரும் 28 ஆம் தேதி தேர்வாணையதளத்தில் வெளியிடப்படும் என தெரிவிக்கப்பட்டுள்ளது. மேலும் மே 2021 துறைத் தேர்விற்கு விண்ணப்பிப்பதற்கு ஜூலை 31 கடைசி நாள்.
‘இவ்வாறு அதில் கூறப்பட்டுள்ளது.