இந்திய இ-வங்கி அமைப்பில் ஒரு புதிய புரட்சியை உருவாக்கும் முயற்சியாக, இந்திய ரிசர்வ் வங்கி கவர்னர் ரகுராம் ராஜன் மற்றும் நேஷனல் பரிவர்த்தனை கார்ப்பரேஷன் ஆப் இந்தியா (NPCI)வும் இணைந்து ஒரு ஒருங்கிணைந்த பரிவர்த்தனை இடைமுகம் (யு.பி.ஐ) ஒரு மொபைல் செயலி வடிவில், புதிதாக முன்னெடுத்துள்ளது பண பரிவர்த்தனைகளை எளிமையாகவும் வேகமாகவும் செய்ய உதவும் இந்த செயலியைப் பயன்படுத்த . உங்களுக்கு தேவையான ஒன்றே ஒன்று ஒரு ஸ்மார்ட்போன் மட்டும்தான். இந்தச் செயலியை ரூ 1 லட்சம் மிகாமல் பணம் பரிவர்த்தனை செய்யப் பயன்படுத்த முடியும், என்றும் குறைந்தப் பட்சமாக ரூ 50 மாற்ற முடியும் எனவும் தெரிவிக்கப் பட்டுள்ளது.
இந்த செயலி எவ்வாறு உதவும்?
இந்த செயலியை மூன்றாம் தரப்பு பரிவர்த்தனைக்கு பயனுள்ளதாக இருக்கும். இன்று, நீங்கள் வேறு யாராவது பணம் செலுத்த வேண்டும் என்றால், நீங்கள் அவர்களின் கணக்கு எண், வங்கியின் ஐ.எஃப்.எஸ்.சி குறியீடு, கிளை விவரம் போன்றவை பூர்த்தி செய்ய வேண்டும் மற்றும் நீங்கள் அந்த நபரை ஒரு பயனாளியாகச் சேர்க்க வேண்டும்.
ஆனால், யு.பி.ஐ செயலி உதவியுடன், அவரது யூ.பி.ஐ. எண் மட்டும் தெரிந்தால் உடனடியாக பணம் பரிவர்த்தனை செய்துவிட முடியும்.
இதனைக் கடைகளிலும், வீட்டிற்கு டெலிவரி செய்யப்படும் போது பணம் செலுத்தப் பயன்படுத்தலாம்.
எத்தனை வங்கிகள் இதில் இணைந்துள்ளது ?
தற்போது இதுவரை 10 வங்கிகள் மட்டும் இந்த அமைப்பில் இணைந்து உள்ளது. ஆனால் விரைவில் மற்ற வங்கிகளுக்கும் இதில் ஆர்வமுடன் சேரும் என எதிர்பார்க்கப்படுகிறது.
எப்படி யு.பி.ஐ செயலியைப் பயன்படுத்த வேண்டும்?
உங்களிடம் ஒரு வங்கிக் கணக்கு இருந்தால் போதும். நீங்கள் கூகிள் ப்ளே ஸ்டோரில் இருந்து அந்த வங்கியின் யு.பி.ஐ செயலியைப் பதிவிறக்கம் செய்ய வேண்டும். நீங்கள் உங்கள் வங்கி கணக்கில் பதிவு செய்ய வேண்டும் மற்றும் நீங்கள் ஒரு தனிப்பட்ட அடையாள, பின்னர் ஒரு மொபைல் பாதுகாப்பு எண் உருவாக்கப்படும். அதனைச் சரிபார்த்தப் பிறகு, யு.பி.ஐ உருவாகி விடும். இதனுடன் தங்களின் ஆதார் எண்ணையும் இணைக்க முடியும்.
டிஜிட்டல் அமைப்பில் ஏற்பட்டுள்ள முன்னேற்றம் மற்றும் மொபைல் வங்கி பயனர்களின் பெருகி வரும் எண்ணிக்கை ஆகியவை ரிசர்வ் வங்கி மற்றும் NPCI-யை பண பரிவர்த்தனைகள் குறைப்பதற்கு இந்த முயற்சிகள் எடுக்க வைத்துள்ளது.
இதன் மூலம் கணக்கில் வராத கருப்புப் பணப் புழக்க அளவு குறையும் என நம்பலாம்.
