கடந்த மாதம் இயக்குநர் ராஜமௌலி மற்றும் அவரது குடும்பத்தினருக்குக் கொரோனா தொற்று உறுதியானதை அடுத்து அனைவரும் வீட்டுத் தனிமையில் இருப்பதாகப் பகிர்ந்திருந்தார்.
தனிமைக் காலம் முடிந்து கொரோனா தொற்று இல்லை என்பது உறுதியானவுடன், பிளாஸ்மா தானம் செய்ய இன்னும் சில வாரங்கள் காத்திருக்கப் போகிறோம் என்று பகிர்ந்திருந்தார்.
Tested for antibodies.. My igG levels are 8.62. They should be above 15 to be able to donate… Peddanna and Bhairava donated today… pic.twitter.com/5zVmj0dvt0
— rajamouli ss (@ssrajamouli) September 1, 2020
இந்நிலையில் “நோய் எதிர்ப்புச் சக்தியைத் தரும் ஆன்டிபாடீஸ் உருவாகிவிட்டதா என்று பரிசோதனை மேற்கொண்டேன். எனது ஐஜிஜி அளவுகள் 8.62 என்கிற நிலையில் உள்ளன. 15-க்கும் அதிகமாக இருந்தால்தான் என்னால் பிளாஸ்மா தானம் கொடுக்க முடியும். பெரியண்ணனும், பைராவாவும் இன்று தானம் கொடுத்திருக்கிறார்கள். இந்த ஆன்டிபாடீஸ் நம் உடலில் உருவாகிக் குறிப்பிட்ட காலம் வரை மட்டுமே இருக்கும். கோவிட்-19 தொற்று குணமாகிய அனைவரும் முன் வந்து பிளாஸ்மா தானம் செய்து உயிரைக் காப்பாற்றுபவராக மாறவேண்டும் என்று கேட்டுக்கொள்கிறேன்” என்று ராஜமௌலி பதிவிட்டுள்ளார். என தனது ட்விட்டர் பதிவில் குறிப்பிட்டுள்ளார் .
Just done with voluntary donation of plasma at KIMS along with my son Bhairava.
Feeling good. It felt very normal like in a routine blood donation session. No need to fear at all for participating. pic.twitter.com/2WVGNUtCIR— mmkeeravaani (@mmkeeravaani) September 1, 2020
இதை தொடர்ந்து ராஜமௌலியின் உறவினரான இசையமைப்பாளர் கீரவாணியும், “நானும், எனது மகன் பைரவாவும், நாங்களாகவே சென்று பிளாஸ்மா தானம் கொடுத்துள்ளோம். நல்லபடியாக உணர்கிறோம். வழக்கமான ரத்த தானத்தைப் போலத்தான் இது சாதாரணமாக நடந்தது. இதைச் செய்ய யாரும் பயப்பட வேண்டாம். மருத்துவமனையில் பிளாஸ்மா தானப் பிரிவிலிருந்த மருத்துவக் குழுவுக்கு நன்றி” என்று பகிர்ந்துள்ளார்.