தி பேமிலி மேன் வெப் தொடரை உருவாக்கி, இயக்கிய ராஜ் & டிகேயின் புதிய இந்தி வெப் தொடரில் விஜய் சேதுபதி நடிக்கிறார்.
இந்த புதிய வெப் தொடரையும் அமேசான் பிரைம் வீடியோவுக்காக இயக்குகிறார்கள். இந்தியின் முன்னணி நடிகர்களில் ஒருவரான ஷாகித் கபூர் இதில் நடிக்கிறார். அவருடன் ராஷி கண்ணாவுக்கும் முக்கிய வேடம் தரப்பட்டுள்ளது. இந்த வெப்தொடரில் விஜய் சேதுபதி இணைந்து கொண்டதை அவருடன் புகைப்படம் எடுத்து வெளியிட்டுள்ளார் ராஷி கண்ணா.
தி பேமிலி மேன் இந்தியாவில் தயாரான முக்கியமான வெப் தொடர்களில் ஒன்றாக இது கருதப்படுகிறது. இதன் இரண்டாவது சீஸனில் ஈழப்போராளிகளையும், அதன் தலைவரையும் தவறாக சித்தரித்ததாக சர்ச்சைகள் எழுந்தது குறிப்பிடத்தக்கது.
Patrikai.com official YouTube Channel
