மிஷ்கின் இயக்கிய முகமூடி படத்தின் மூலம் சினிமாவுக்கு அறிமுகமானவர், பூஜா ஹெக்டே.
இப்போது அவர் தமிழில் இல்லை, ஆனால் தெலுங்கில் படு பிஸி.
சிரஞ்சீவியுடன் ‘ஆச்சார்யா’, பிரபாசுடன் ‘ராதே ஷியாம்’ உள்ளிட்ட 3 படங்களில் நடித்துக்கொண்டிருக்கிறார்.
9 ஆண்டுகளுக்கு பிறகு மீண்டும் அவர் தமிழுக்கு வருகிறார்.
“கோலமாவு கோகிலா” புகழ் நெல்சன் திலீப்குமார், அடுத்து விஜயின் 65 படத்தை டைரக்டு செய்கிறார்.
இந்த படத்தில் விஜய் ஜோடியாக நடிக்க ஒப்பந்தம் செய்யப்பட்டுள்ளார், பூஜா ஹெக்டே.
கேங்க்ஸ்டர் கதையான இந்த படத்தின் முதல் கட்ட ஷுட்டிங் ரஷியாவில் நடைபெறுகிறது.
அண்மையில் ரஷியா சென்று ஷுட்டிங் ஸ்பாட்களை முடிவு செய்து விட்டு வந்துள்ளார், நெல்சன்.
இந்த படத்துக்கு அனிருத் இசை அமைக்கிறார்.
சிவகார்த்திகேயன் நடிப்பில் நெல்சன் இயக்கியுள்ள இரண்டாவது படமான “டாக்டர்” படம் இன்னும் ரிலீஸ் ஆகவில்லை என்பது குறிப்பிடத்தக்கது.
– பா. பாரதி