சென்னை: பிளஸ்2 (12-ஆம் வகுப்பு) துணைத்தேர்வு முடிவுகள் நாளை வெளியிடப்படும் என்று அரசு தேர்வுகள் இயக்ககம் அறிவித்துள்ளது.
கொரோனா தொற்று காரணமாக பிளஸ்2 தேர்வுகள் ரத்து செய்யப்பட்டு தேர்ச்சி அறிவிக்கப்பட்டது. இதற்கிடையில், துணைதேர்வு எழுதியவர்கள், மறுகூட்டம் மறுமதிப்பீடு குறித்து மனு கொடுத்தவர்களுக்கான தேர்வு முடிவுகள் நாளை காலை 11 மணிக்கு வெளியிடப்படும் என்று அரசு தேர்வுகள் இயக்ககம் அறிவித்துள்ளது.
அதன்படி, www.dge.tn.gov.in என்ற இணைய தளத்தில் நாளை 11.00 மணிக்கு வெளியாகும் என்றும், பட்டியலில் இடம்பெறாத தேர்வர்களின் விடைத்தாள் மதிப்பெண் மாற்றம் இல்லை என்றும் தெரிவித்துள்ளது.
மதிப்பெண் மாற்றம் உள்ள தேர்வர்கள் மட்டும் இணையதளத்தில் தங்களது ரோல் நம்பர், பிறந்த தேதி ஆகிய விவரங்களை பதிவு செய்து தங்களுக்கான திருத்தப்பட்ட மதிப்பெண்கள் அடங்கிய தற்காலிக மதிப்பெண் சான்றிதழ்களை உடனே பதிவிறக்கம் செய்து கொள்ளலாம் என்றும் அறிவித்துள்ளது.