சென்னை
தமிழ் திரைப்பட பிரபல பின்னணி பாடகர் மாணிக்க விநாயகம் மரணம் அடைந்தார்.
தமிழ் திரையுலகின் பிரபல பின்னணி பாடகர்களில் மாணிக்க விநாயகமும் ஒருவர் ஆவார். இவர் பக்தி பாடல்கள் பலவாற்றுக்கு இசை அமைத்துள்ளார். இவர் தூள்< சந்திரமுகி, பருத்தி வீரன், வெயில் உள்ளிட்ட பல படங்களில் பின்னணி பாடி உள்ளார்.
இவர் மயிலாடுதுறையை அடுத்த வழுவூர் கிராமத்தைச் சேர்ந்தவர் ஆவார். இவரது தந்தை பிரபல நாட்டிய ஆசிரியர் வழுவூர் ராமையா என்பது குறிப்பிடத்தக்கதாகும். இவர் திருடா திருடி, சந்தோஷ் சுப்ரமணியம், வேட்டைக்காரன், பேரழ்கன் உள்ளிட்ட பல படங்களில் நடித்துள்ளார்.
தற்போது 79 வயதாகும் மாணிக்க விநாயகம் இதய கோளாறு காரணமாக சிகிச்சை பெற்று வந்தார். அவர் இன்று சென்னையில் உள்ள அவரது வீட்டில் மாலை 6.45 மணிக்கு மாரடைப்பால் உயிர் இழந்தார். அவரது மறைவு தமிழ் திரையுலகைச் சோகத்தில் ஆழ்த்தி உள்ளது.