கரூர்
அரசு பேருந்தில் பேட்ட திரைப்படம் திரையிடப்பட்ட செய்தி திரை உலகினரை அதிர்ச்சியில் ஆழ்த்தி உள்ளது.
ரஜினிகாந்த் நடித்து கார்திக் சுப்புராஜ் இயக்கிய பேட்ட திரைப்படம் ஜனவரி மாதம் 10 ஆம் தேதி வெளியாகியது. ரசிகர்களின் பேராதரவை பெற்றுள்ள இந்த படத்தில் அவருடன் சிம்ரன், த்ரிஷா, விஜய் சேதுபதி உள்ளிட்ட பலர் நடித்துள்ளனர். அனிருத் இசையில் உருவாகி உள்ள இந்த படம் நல்ல வசூலை தருவதாக தயாரிப்பாளர் சன் பிக்சர்ஸ் தெரிவித்துள்ளது.
இந்த திரைப்படத்தை தமிழ் ராக்கர்ஸ் இணைய தளம் தடையை மீறி வெளியிட்டதால் ரஜினி ரசிகர்கள் அந்த தளத்தின் மீது கோபம் கொண்டுள்ளனர். இது குறித்து அரசிடம் புகார் அளித்தனர். ஆனால் அரசு பேருந்தில் இந்த படம் ஒளிபரப்பாகி உள்ள தகவல் வெளியாகி உள்ளது.
ரஜினி ரசிகரான ஒரு பயணி கரூரில் இருந்து சென்னை வரும் அரசுப் பேருந்தில் இந்த திரப்படம் ஒளிபரப்பியதை வீடியோ பதிவாகவும் பேருந்தின் எண் தட எண் ஆகிய விவரங்களுடனும் டிவிட்டரில் பதிந்துள்ளார். இதனால் திரை உலகம் கடும் அதிர்ச்சியில் ஆழ்ந்துள்ளது. தயாரிப்பாளர் மற்றும் நடிகர் சங்க தலைவர் விஷால் இந்த் செய்தியை தனது வ்டிவிட்டர் பக்கத்தில் ரிடிவீட் செய்து அரசு இதற்கு நடவடிக்கை எடுக்க வற்புறுத்தி உள்ளார்.