த்ரிஷா நடிப்பில் உருவாகி இருக்கும் ‘பரமபதம் விளையாட்டு’ திரைப்படம் நேரடியாக ஓடிடி-யில் வெளியாகும் தேதி அறிவிக்கப்பட்டுள்ளது. கதாநாயகிக்கு முக்கியத்துவம் உள்ள இப்படத்தை இயக்குநர் திருஞானம் இயக்கி இருக்கிறார். இந்தப் படத்தில் நந்தா, ரிச்சர்ட், வேல ராமமூர்த்தி உள்ளிட்ட பலர் முக்கியக் கதாபாத்திரங்களில் நடித்துள்ளனர்.
மார்ச் மாதம் இப்படம் வெளியாகவிருந்தது. கொரோனா லாக்டவுன் போடப்பட்டதால் இந்தப் படத்தின் வெளியீடு பாதிக்கப்பட்டது.
இந்நிலையில் வரும் ஏப்ரல் 14-ந் தேதி தமிழ் புத்தாண்டை முன்னிட்டு இப்படம் ஹாட் ஸ்டார், ஓடிடி தளத்தில் வெளியாவதாக அறிவிக்கப்பட்டுள்ளது.