சென்னை: திருச்செந்தூர், ராமேஸ்வரம், தஞ்சையை தொடர்ந்து பழனியில் முருகனை தரிசிக்க வரிசையில் நின்றுகொண்டிருந்த பக்தர் திடீரென கீழே விழுந்து உயிரிழந்தார். இது பக்தர்களிடையே பெரும் பரபரப்பை ஏற்படுத்தி உள்ளது.
தமிழ்நாட்டில் உள்ள கோவில்களில் அடுத்தடுத்து பக்தர்கள் உயிரிழந்து வரும் பெரும் பதற்றத்தை ஏற்படுத்தி உள்ளது. அறநிலையத்துறையின் செயலற்ற தன்மை, பக்தர்களுக்கு போதுமான வசதிகள், அவசர மருத்துவசதிகள் செய்யாமை போன்றவைகளால், பக்தர்கள் உயிரிழப்பது தொடர்கதையாகி வருகிறது.
இந்த நிலையில், பழனி முருகன் கோவிலில் சாமி தரிசனத்திற்காக வரிசையில் காத்திருந்த பக்தர் திடீரென உயிரிழந்த சம்பவம் பெரும் பரபரப்பை ஏற்படுத்தி உள்ளது. நாமக்கல் மாவட்டம் மோகனூரைச் சேர்ந்த 11 ஐயப்ப பக்தர்கள் சபரிமலை சென்றுவிட்டு பழனிக்கு சென்றனர். அப்போது, செல்வமணி என்பவர் தரிசனத்திற்காக வரிசையில் காத்திருந்தபோது திடீரென மூச்சுத்திணறல், நெஞ்சு வலி ஏற்பட்டு மயங்கி விழுந்தார்.
இதையடுத்து, அங்கிருந்தவர்கள் செல்வமணியை உடனடியாக மீட்டு பழனி அரசு மருத்துவமனையில் சிகிச்சைக்காக கொண்ட சேர்த்தனர். ஆனால், , செல்வமணி சிகிச்சை பலனின்றி உயிரிழந்தார்
.கடந்த சில நாட்களுக்கு முன்பு திருச்செந்தூர் முருகன் கோவிலில் சாமி தரிசனத்திற்காக வரிசையில் நின்றுக் கொண்டிருந்த பக்தர் ஒருவர் மாரடைப்பு ஏற்பட்டு உயிரிழந்த சம்பவம் நிகழ்ந்தது, அதுபோல ராமேஸ்வரம் கோவிலில் வடமாநில பக்தர் ஒருவர் வரிசையில் நின்ற போது உயிரிழந்த நிலையில், கடந்த இரு நாட்களுக்கு முன்பு தஞ்சை பெரிய கோவிலுக்கு வந்த முதியவர் ஒருவர் உயிரிழந்தநிலையில், தற்போத பழனி முருகன் கோவில் சாமிதரிசனம் பக்தர் மரணம் அடைந்துள்ளார். இது பக்தர்களிடையே பெரும் சோகத்தையும் அதிர்ச்சியையும் ஏற்படுத்தி உள்ளது.
பழம் பெரும் கோவில்களில் அடுத்தடுத்த உயிரிழப்புகள் நிகழ்ந்து வருவது, தமிழ்நாட்டுக்கும், தமிழ்நாடு அரசுக்கும் பேராபத்தை ஏற்படுத்தும் அறிகுறி என சிலர் பக்தர்கள் அச்சம் தெரிவித்து வருகின்றனர்.