சென்னை: தமிழகத்துக்கு நலன்தரும் திட்டங்களை பிரதமர் மோடி தொடங்கி வைக்கிறார் என்று துணை முதலமைச்சர் பன்னீர்செல்வம் கூறி உள்ளார்.
சென்னை நேரு உள்விளையாட்டு அரங்கில் நடைபெற்ற நிகழ்ச்சியில் பல்வேறு திட்டங்களை பிரதமர் மோடி தொடங்கி வைத்தார். இந் நிகழ்ச்சியில் துணை முதலமைச்சர் ஓ. பன்னீர்செல்வம் பேசியதாவது:
பிரதமரின் வருகையால் தமிழகம் சிறப்பு கவனம் பெற்றுள்ளது. தமிழகத்துக்கு நலன்தரும் திட்டங்களை அவர் தொடங்கி வைக்கிறார். அதிமுக அரசின் முயற்சிகளுக்கு பிரதமர் மோடி ஆதரவு அளித்து வருகிறார்.
சிறந்த முதலீட்டுக்கான தளமாக தமிழகம் மாறி உள்ளது. சிறந்த மாநில விருதுகளை தமிழகம் 3 முறை வென்று உள்ளது. நல் ஆளுமைக்கான மத்திய அரசு விருதை தமிழக அரசு பெற்றுள்ளது. பிரதமர் மோடி போன்ற ஒப்பற்ற தலைவரை காண்பது அரிது என்று ஓபிஎஸ் பேசினார்.