டெல்லி: ஒமிக்ரான் பாதிப்பு 213ஆக உயர்ந்துள்ள நிலையில், இரவு நேர ஊரடங்கு, கொரோனா கட்டுப்பாடுகளை கடுமையாக்க மாநிலங்க ளுக்கு மத்தியஅரசு கடிதம் எழுதி உள்ளது.
உலக நாடுகளை அச்சுறுத்தி வரும் ஒமிக்ரான் தொற்று இந்தியாவிலும் பரவி வருகிறது. கடந்த இரு வாரத்தில் 200க்கும் மேற்பட்டோர் பாதிக்கப் பட்டு உள்ளனர் என சுகாதார மற்றும் குடும்ப நல அமைச்சகம் தெரிவித்துள்ளது. மகாராஷ்டிராவில் செவ்வாயன்று 11 புதிய ஓமிக்ரான் நோய்த்தொற்றுகள் பதிவாகியுள்ளன, இதன்மூலம் அங்கு ஒமிக்ரான் பாதிப்பு 54 ஆகக் அதிகரித்துள்ளது.. தலைநகரில் ஓமிக்ரான் வழக்குகள் 57 ஆக அதிகரித்துள்ளன. டெல்லி மற்றும் மகாராஷ்டிராவில் நாட்டிற்கு அதிக எண்ணிக்கையிலான புதிய ஓமிக்ரான் வழக்குகள் தொடர்ந்து உள்ளன. 
இதையடுத்து, மாநிலங்களில் கொரோனா கட்டுப்பாடுகளை தீவிரப்படுத்த வேண்டும் என்றும், இரவு ஊரடங்கை அறிவிக்கலாம் என்றும் மாநில அரசுகளை மத்திய அரசு கேட்டுக்கொண்டுள்ளது.
இதுதொடர்பாக மத்திய சுகாதாரத்துறை மாநில அரசுகளுக்கு எழுதி உள்ள கடிதத்தில், இந்தியாவில் ஓமிக்ரான் வழக்குகள் அதிகரிக்கத் தொடங்கியுள்ள தால், அதை கட்டுப்படுத்தும் வகையில் மீண்டும் இரவு ஊரடங்கு, ஓமிக்ரானை எதிர்த்துப் போராட கட்டுப்பாட்டு மண்டலங்கள்இ 24மணி நேர உதவி மையம், மற்றும் தடுப்பு நடவடிக்கைகளை தீவிரப்படுத்த வேண்டும்.
மேலும், ஒமிக்ரான் பரவலானது கடந்த ஒரு வாரத்தில் பாசிட்டிவ் சதவீதம் 10-க்கு மேல் அதிகரித்து உள்ளது. அதனால், ஆக்சிஜன் உதவியுடன் கூடிய 40 சதவீத படுக்கைகள் நோயாளிகளால் நிரப்பப்பட்டுள்ள மாநிலங்கள் தடுப்பு நடவடிக்கைகளை மேற்கொள்ள வேண்டும். உச்சத்தை அடைவதற்கு முன்னதாக தொற்று பரவலை கட்டுப்படுத்த வேண்டும்.
பரிசோதனைகளை தீவிரப்படுத்த வேண்டும். மக்கள் கூடுவதை நெறிமுறைப்படுத்த வேண்டும் உள்ளிட்ட நடவடிக்கைகளை மாநில அரசுகள் எடுக்க வேண்டும் என கடிதம் மூலம் தெரிவித்துள்ளது.
மேலும், 100 சதவீதம் தடுப்பூசி செலுத்தும் பணியை முடுக்கிவிட்டு உறுதிப்படுத்த வேண்டும் என்றும் கேட்டுள்ளது. அதிக பாதிப்பு (Cluster) உள்ள இடங்களில் இருந்து மாதிரிகள் சேகரிக்கப்பட்டு உடனடியாக ஆய்வு மையத்திற்கு அனுப்ப வேண்டும் எனவும் கேட்டுக்கொண்டுள்ளது.
இதுதொடர்பாக மத்திய சுகாதார செயலாளர் ராஜேஷ் பூஷன் கூறியதாவது, ஒமிக்ரான் பரவலை தடுக்க திருமணம் மற்றும் இறுதிச் சடங்கு களில் கலந்துகொள்பவர்களின் எண்ணிக்கையை குறைக்கவும், அலுவலகங்கள், தொழிற்சாலைகள் மற்றும் பொதுப் போக்குவரத்தில் எண்ணிக்கையை கட்டுப்படுத்தவும் மாநிலங்களை வலியுறுத்தினார்.
மேலும், நாட்டின் பல்வேறு பகுதிகளில் டெல்டா தொற்று இன்னும் உள்ளது. எனவே, உள்ளூர் மற்றும் மாவட்ட அளவில் இன்னும் அதிக தொலைநோக்கு, தரவு பகுப்பாய்வு, ஆற்றல்மிக்க முடிவெடுத்தல் மற்றும் கடுமையான மற்றும் உடனடி கட்டுப்பாட்டு நடவடிக்கை தேவை.
“மாவட்ட அளவில் முடிவெடுப்பதற்கு வசதியாக மாநிலங்கள் மற்றும் யூனியன் பிரதேசங்கள் பயன்படுத்த வேண்டிய கட்டமைப்பின் முக்கிய கூறுகள், கடந்த ஒரு வாரத்தில் 10% அல்லது அதற்கு மேற்பட்ட சோதனை நேர்மறை அல்லது ஆக்ஸிஜன் ஆதரவு அல்லது ICU படுக்கைகளில் 40% அல்லது அதற்கு மேற்பட்ட படுக்கைகள் தயாராக இருக்க வேண்டும். மேலும், மாவட்ட அளவிலான கட்டுப்பாட்டு நடவடிக்கைகள் மற்றும் கட்டுப்பாடுகள் உடனடியாக நடைமுறைப்படுத்தப்பட வேண்டும். கட்டுப்பாடுகள் கண்டிப்பாக அமல்படுத்தப்பட வேண்டும்.
இவ்வாறு அவர் கூறினார்.