டெல்லி: பக்ரீத் பண்டிகையையொட்டி, இந்தியா பாகிஸ்தான், மற்றும் இந்தியா வங்கதேச எல்லைகளில் இரு நாட்டு ராணுவத்தினரும், இனிப்புகளுடன் வாழ்த்துக்களை பரிமாறிக்கொண்டனர்.
இஸ்லாமியர்களின் ஈகைத்திருநாள் எனப்படும் பக்ரீத் பண்டிகை இன்று உலகம் முழுவதும் கொண்டாடப்பட்டு வருகிறது. இதையொட்டி, இந்தியா பாகிஸ்தான் எல்லையில், பாகிஸ்தான் ராணுவ வீரர்களுடன் இந்திய பாதுகாப்புப் படையினர் இனிப்பையும் வாழ்த்துக்களையும் பரிமாறிக் கொண்டனர். ராஜஸ்தானில் உள்ள இந்திய-பாகிஸ்தான் சர்வதேச எல்லையான பர்மரில் பக்ரீத் பண்டிகையான இன்று பாகிஸ்தான் ரேஞ்சர்ஸுடன் இந்திய எல்லைப் பாதுகாப்புப் படையினர் இனிப்பை பரிமாறிக் கொண்டனர்.
அதுபோல, இந்திய-வங்கதேச எல்லையான ஃபுல்பரியில், வங்கதேச எல்லைப் படையினருடன் இந்திய எல்லைப் பாதுகாப்பு படை வீரர்கள் வாழ்த்துக்களையும், இனிப்பையும் பரிமாறிக் கொண்டனர்.