சென்னை: எம்ஜிஆர் 35-வது நினைவு நாளையொட்டி, முன்னாள் முதல்வரும், அதிமுக இடைக்கால பொதுச்செயலாளருமான எடப்பாடி பழனிச்சாமி புகழஞ்சலி செலுத்தி உள்ளார்.
மறைந்த தமிழக முன்னாள் முதல்வரும், அதிமுகவை தோற்றுவித்தவருமான எம்.ஜி.இராமச்சந்திரனின் 35வது நினைவு தினம் இன்று அனுசரிக்கப்படுகிறது. இதையொட்டி, அதிமுகவினர் அவரது உருவபடத்துக்கு மாலை அணிவித்து மரியாதை செய்து வருகின்றனர்-
இந்த நலையில், முன்னாள் முதல்-அமைச்சர் எம்ஜிஆர்-க்கு எடப்பாடி பழனிசாமி புகழஞ்சலி தெரிவித்துள்ளார். இது குறித்து அவர் பதிவிட்டுள்ள டிவிட்டில், வாரி வாரிக் கொடுத்த வள்ளல், சத்துணவு திட்டம் தந்த சரித்திர நாயகர், மக்கள் இதயத்தில் நீக்கமற வாழ்ந்து வரும் இதயக்கனி, எம் தலைவன் அவர்களின் நினைவுநாளில் அவர் வகுத்து தந்த பாதையில் பயணிப்பதையே பெருமையென கொண்டு, புரட்சித்தலைவருக்கு எங்கள் புகழஞ்சலி என தெரிவித்துள்ளார்.