பாங்காக்-கில் நடைபெற்று வரும் ஆசிய கோப்பை டேபிள் டென்னிஸ் போட்டி காலிறுதி ஆட்டத்தில் சீன தைபேயின் சென் சூ-யுவை 4-3 என்ற கணக்கில் வென்று அரையிறுதிக்கு முன்னேறினார் இந்திய வீராங்கனை மனிகா பத்ரா.
இதன் மூலம் ஆசிய கோப்பை டேபிள் டென்னிஸ் போட்டியின் அரையிறுதிக்கு நுழையும் முதல் இந்திய வீராங்கனை என்ற பெருமையை மனிகா பத்ரா பெற்றார்.
டேபிள் டென்னிஸ் விளையாட்டில் உலகின் 44வது நிலையில் இருக்கும் மனிகா பத்ரா 23வது நிலையில் இருக்கும் சீன தைபேயின் சென் சூ-யுவை வீழ்த்தினார்.
முன்னதாக காலிறுதிக்கு முந்தைய சுற்றில் உலகின் 7வது நிலை வீராங்கனையான சீனாவின் சென் க்ஸிங்க்டோங்-கை வீழ்த்தினார்.
கொரியாவின் ஜியோன் ஜிஹீ மற்றும் ஜப்பானின் மிமா இடோ இடையேயான போட்டியில் வெற்றி பெறுபவரை அரையிறுதியில், சந்திக்க இருக்கிறார் மனிகா.