சென்னைவாசிகளே உஷார்… ஊரடங்கு விதிமுறைகளை மீறினால் அவ்ளோதான்…

ஊரடங்கை மீறுவோர் மீது காவல்துறையினர் கடுமையாக நடந்துகொண்டதால், அவர்கள் மீது குற்றம் சாட்டப்பட்டு, அவர்களது கைகள் டிஜிபி திரிபாதியால் கட்டப்பட்ட நிலையில், சென்னை வாசிகள் எந்தவித பயமுமின்றி கெத்தாக ஊர் சுற்றி வருகின்றனர்.

ஊர் சுற்றுவோரை கண்டிப்புடன் தடுக்க முடியாமல் காவல்துறையினரும், சுகாதாரத்துறை ஊழியர்களும் திணறி வருகிறார்கள். இதனால் சென்னை மக்கள் சட்டத்துக்கு கட்டுப்படாமால் ஊர் சுற்றியதால் இன்று கடுமையான பாதிப்புகளை எதிர்கொண்டு வருகின்றனர்.

காவல்துறையினர் தொடக்கத்தில் இருந்த மாதிரி கடுமையாக நடந்துகொள்ள அனுமதி அளிக்கப்பட்டிருந்தால், பயம் காரணமாகவோ வெளியே சுற்றுவதை பலர் தவிர்த்திருப்பார்கள். அதுபோல கோயம்பேடு சந்தை உள்பட அனைத்து பகுதிகளில்உள்ள சந்தைகளையும் அதிரடியாக மூடியிருந்தால் இன்று இந்த அளவுக்கு கொரோனா தொற்று பரவியிருக்க வாய்ப்பு இல்லை.

இதையடுத்து, ஏற்கனவே அறிவிக்கப்பட்ட நெறிமுறைகளை தீவிரப்படுத்த தமிழகஅரசு  உத்தரவிட்டு உள்ளது.