‘நானும் ரெளடிதான்’ வெற்றியை தொடர்ந்து மீண்டும் விஜய் சேதுபதியை வைத்து ‘காத்துவாக்குல ரெண்டு காதல்’ படத்தை இயக்குகிறார் விக்னேஷ் சிவன்.
செவன் ஸ்கிரீன் ஸ்டூடியோஸ் நிறுவனத்தின் லலித் குமார் மற்றும் விக்னேஷ் சிவன் இணைந்து இந்தப் படத்தைத் தயாரிக்கின்றனர். அனிருத் இசையமைக்கிறார். விஜய் கார்த்திக் கண்ணன் ஒளிப்பதிவு செய்கிறார். ஸ்வேதா சாபு சிரில் கலை இயக்கம் செய்கிறார்.
விஜய் சேதுபதி ஜோடியாக நயன்தாரா மற்றும் சமந்தா இருவரும் நடிப்பதாக காதலர் தினத்தன்று அதிகாரபூர்வமான அறிவிப்பு வெளியானது.
‘காத்து வாக்குல ரெண்டு காதல்’ படத்தின் முதல் பாடல், கடந்த பிப்ரவரி 14-ம் தேதி காதலர் தினத்தையொட்டி வெளியாகி ரசிகர்கள் இடையே நல்ல வரவேற்பை பெற்றது.
இந்த நிலையில், ‘காத்து வாக்குல ரெண்டு காதல்’ படத்தில் இடம்பெற்றுள்ள ‘டூ…டூ…டூ…’ என்ற பாடலை படக்குழு இன்று (18.09.2021) வெளியிட்டுள்ளது. படத்தின் இயக்குநரான விக்னேஷ் சிவன் இன்று தனது பிறந்தநாளைக் கொண்டாடுகிறார். அதனை முன்னிட்டு இந்தப் பாடலை படக்குழு வெளியிட்டுள்ளது. இப்பாடலுக்கான வரிகளை விக்னேஷ் சிவன் எழுத, அனிருத், சுனிதி சௌஹான், சஞ்சனா, விக்னேஷ் சிவன் ஆகியோர் இணைந்து பாடியுள்ளனர்.
Here we go! #TwoTwoTwo from #KaathuvaakulaRenduKaadhal – https://t.co/vbJAMAJJTr
Happy Birthday dear @VigneshShivN
Thank you @SunidhiChauhan5 and @SanjanaKalmanje for your energy 🙂 @VijaySethuOffl #Nayanthara @Samanthaprabhu2 @srkathiir #Anirudh25 #HBDVigneshShivan pic.twitter.com/al3DEqu0eu
— Anirudh Ravichander (@anirudhofficial) September 18, 2021