கார்த்திக் சுப்புராஜ் இயக்கத்தில் தனுஷ் நடித்துள்ள படம் ஜகமே தந்திரம். இந்த படத்தில் தனுஷுக்கு ஜோடியாக ஐஸ்வர்யா லட்சுமி மற்றும் சஞ்சனா நடராஜன் ஆகியோர் நடித்துள்ளனர்.
இந்த படத்தில் பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடித்துள்ளார்.
ரிலையன்ஸ் என்டர்டெயின்மென்ட் நிறுவனத்துடன் இணைந்து ஒய்நாட் ஸ்டுடியோஸ் ‘ஜகமே தந்திரம்’ படத்தை தயாரித்துள்ளது. படத்தில் தனுஷ் ஒரு மதுரை கேங்க்ஸ்டராக நடிக்கிறார் .
ஸ்ரேயாஸ் கிருஷ்ணா ஒளிப்பதிவு செய்துள்ள இப்படத்திற்கு சந்தோஷ் நாராயணன் இசையமைத்துள்ளார்.
இந்த படத்தின் ஃபர்ஸ்ட்லுக் மற்றும் மோஷன் போஸ்டர் வெளியாகி நல்ல வரவேற்பை பெற்றிருந்தது. ந்த படத்தின் மோஷன் போஸ்டரில் இடம்பெற்ற தீம் பாடல் ரசிகர்களிடம் நல்ல வரவேற்பை பெற்றிருந்தது.
தனுஷ் பிறந்தநாளை முன்னிட்டு இந்த படத்தின் முதல் பாடலான ரகிட ரகிட என்ற பாடலை படக்குழுவினர் வெளியிட்டனர்.
இதனை தொடர்ந்து வெளியான புஜ்ஜி பாடலும் ரசிகர்கள் மத்தியில் நல்ல வரவேற்பை பெற்றுள்ளது. செம வைரலான ரகிட ரகிட பாடல் தற்போது வரை 50 மில்லியன் பார்வையாளர்களை பெற்று சாதனை படைத்துள்ளது என்ற அறிவிப்பு வெளியாகியுள்ளது.
கடந்தாண்டே ரிலீசாக வேண்டிய இப்படம், கொரோனா பரவல் காரணமாக தள்ளிப்போனது.
இந்நிலையில், இப்படத்தை நேரடியாக ஓடிடி-யில் வெளியிட உள்ளதாக தகவல் வெளியாகி உள்ளது. நெட்பிளிக்ஸில் இப்படம் வெளியாக உள்ளதாம்.