சிட்னி: இந்தியாவிற்காக பங்கேற்ற முதல் சர்வதேச தொடரை(டி-20) மறக்க முடியாது என்றுள்ளார் தமிழ்நாட்டின் நடராஜன்.
இவர் நாட்டிற்காக பங்கேற்ற முதல் சர்வதேச டி-20 தொடரை இந்திய அணி கைப்பற்றியது. முதல் போட்டியில் 3 விக்கெட் வீழ்த்திய அவர், இரண்டாவது போட்டியிலும் 2 விக்கெட்டுகளை சாய்த்தும், எகனாமிக்காக பந்து வீசியும் வெற்றிக்கு கை கொடுத்தார்.
“என் நாட்டிற்காக பங்கேற்ற முதல் தொடரை வென்றது என்னால் மறக்க முடியாத ஒன்று. இது எப்போதும் சிறப்புவாய்ந்த ஒன்று” என்றுள்ளார் நடராஜன்.
ஆஸ்திரேலிய தொடரில், நடராஜன் பந்துவீசும் முறையை வெகுவாக பாராட்டியுள்ளார் அந்நாட்டின் முன்னாள் வேகப்பந்து நட்சத்திரம் மெக்ராத்.