மிசெளரி: அமெரிக்காவில் நடைபெற்றுவரும் செயினட் லூயிஸ் செஸ் தொடரில், இந்திய வீராங்கனைகள் ஹம்பி மற்றும் ஹரிகா பங்கேற்ற நான்காவது சுற்றுப் போட்டி டிரா ஆனது.
செயின்ட் லூயிஸ் கெய்ர்ன்ஸ் கோப்பை என்ற பெயரில் நடைபெறும் செஸ் தொடரில் இந்திய வீராங்கனைகள் கலந்து கொண்டுள்ளனர். இதில் உலகின் முன்னணி வீராங்கனைகள் பங்கேற்றுள்ளனர்.
இதில் நான்காம் சுற்றுப் போட்டியில், ரஷ்யாவின் கேத்ரினாவுடன் மோதினார் இந்தியாவின் கொனேரு ஹம்பி. இந்தப் போட்டி 30வது நகர்த்தலில் டிரா ஆனது.
மற்றொரு போட்டியில் இந்தியாவின் ஹரிகா, அமெரிக்காவின் இரினா கிரஸிற்கு எதிராக டிரா செய்தார். இதுவரையான சுற்றுகளின் முடிவில் இந்தியாவின் ஹரிகா மற்றும் ஹம்பி, முறையே 2வது மற்றும் 7வது இடத்தில் உள்ளனர்.