தமிழ் திரைத்துறையினரால் கிளப்பப்பட்ட ‘இந்தி தெரியாது போடா’ என பொறிக்கப்பட்ட டி-சர்ட் புரட்சி கடந்த ஐந்து நாட்களாக ட்விட்டரில் பிரபலமாகி வருகிறது.
இதற்கு ஆதரவாக பலரும் , இது தவறான முன்னுதாரணம் என சிலரும் வாதம் செய்து வருகின்றனர் .
இந்நிலையில் நான் ஒரு தமிழ் பேசும் இந்தியன் என்ற டி-சர்ட் வாசகம் தமிழகத்தில் வைரலாகி வருவதை போல் கர்நாடக மாநிலத்திலும் நான் கன்னடம் பேசும் இந்தியன் என்ற டி-சர்ட் அணிந்து நடிகர்கள் பிரபலபடுத்தி வருகின்றனர்.
கன்னட நடிகர் சிவராஜ்குமார், சேத்தன், தனஞ்சயா ஆகியோர் நான் கன்னடம் பேசும் இந்தியன், கர்நாடகாவில் கன்னடமே தேசிய மொழி என்ற டி-சர்ட் அணிந்து போஸ் கொடுக்கும் படங்கள் சமூக வலைதளங்களில் வைரலாகி வருகிறது.
கன்னட நடிகர் சிவ்ராஜ்குமார் டிஷர்ட்டில் "கன்னடம் பேசும் இந்தியன்" என்றும் தனஞ்செய் டிஷர்ட் இன்னும் ஒருபடி மேலே போய் "கன்னட நாட்டில் கன்னடமே தேசியமொழி" என்றும் எழுதியுள்ளது. என்ன செய்யப்போகிறீர்கள் சங்கிகளே? 'திமுக வேணாம்' என ட்ரெண்ட் செய்யபோகிறீர்களா? #இந்தி_தெரியாது_போடா pic.twitter.com/8k2GGEbY4z
— Ashok R (@idonashok) September 11, 2020
இதனால் தமிழகத்தில் மட்டுமின்றி அண்டை மாநிலங்களிலும் இந்திக்கு எதிரான முழுக்கம் வலுத்து வருவது குறிப்பிடத்தக்கது.