சுமந்த் ராதாகிருஷ்ணன் இயக்கத்தில் அசோக் செல்வன், பிரியா பவானி சங்கர் நடிப்பில் உருவாகியுள்ள படம் ‘ஹாஸ்டல்’. இப்படத்தை ட்ரைடண்ட் ஆர்ட்ஸ் ரவீந்திரன் தயாரித்துள்ளார்.
இதில் நாசர், சதீஷ், கிரிஷ் குமார், முனிஸ்காந்த் உள்ளிட்ட பலர் நடித்துள்ளனர்.
இந்தப் படம் மலையாளத்தில் வரவேற்பைப் பெற்ற ‘அடி கப்பியரே கூட்டமணி’ படத்தின் தமிழ் ரீமேக் ஆகும். இதற்கு ஒளிப்பதிவாளராக பிரவீன், இசையமைப்பாளராக போபோ சசி, எடிட்டராக ராகு, கலை இயக்குநராக துரைராஜ் ஆகியோர் பணிபுரிந்துள்ளனர்.
கடந்த ஏப்ரல் மாதத்தின் இறுதியில் இப்படத்தின் ஃபர்ஸ்ட் லுக் வெளியிடப்பட்ட நிலையில், படத்தின் டீசரை படக்குழு இன்று வெளியிட்டுள்ளது. டீசர் வெளியான சில நிமிடங்களிலேயே யூ-டியூப் தளத்தில் ஒரு லட்சம் பார்வைகளைக் கடந்து இணையத்தில் வைரலாகிவருகிறது.