கடந்த 2009ம் ஆண்டு வெளியான ஹாரிபாட்டர் அண்ட் தி ஹாஃப் பிளட் பிரின்ஸ் படத்தில் எல்ட்ரட் வோர்ப்ளே எனும் கதாபாத்திரத்தில் நடித்து உலகளவில் ரசிகர்களை ஈர்த்தவர் பால் ரிட்டர்.
மேலும், ஏகப்பட்ட படங்களிலும் டிவி தொடர்களிலும் நடித்து கலக்கியவர். HBOவில் வெளியான செர்னோபில் தொடர் இவருக்கு ஏகப்பட்ட ரசிகர்களை பெற்றுத் தந்தது. ஹாரிபாட்டரை தொடர்ந்து குவாண்டம் ஆஃப் சொலாஸ் எனும் ஜேம்ஸ் பாண்ட் படத்திலும் மிரட்டலான கதாபாத்திரத்தில் நடித்து பிரபலமானவர் பால் ரிட்டர்.
55 வயது ஆகும் பால் ரிட்டர், சில ஆண்டுகளாகவே மூளை கட்டி நோயினால் பாதிக்கப்பட்டு சிகிச்சை பெற்று வந்தார். கடந்த திங்கட்கிழமை இரவு தனது வீட்டிலேயே தூக்கத்திலேயேஇவரது உயிர் பிரிந்துள்ளது.