சென்னை
தமிழக அரசு கலை மற்றும் அறிவியல் கல்லூரிகளில் சேர விரும்பும் மாணவர்கள் நாளை முதல் ஆன்லைன் மூலம் விண்ணப்பிக்கலாம் என அறிவிக்கப்பட்டுள்ளது.
இந்த ஆண்டு கொரோனா அச்சுறுத்தல் காரணமாக 12 ஆம் வகுப்புத் தேர்வு ரத்து செய்யப்பட்டது. மாணவர்கள் வகுப்பு தேர்வுகளில் பெற்ற மதிப்பெண்களின் அடிப்படையில் இறுதி மதிப்பெண்கள் வழங்கப்பட்டுள்ளன. இந்த மதிப்பெண்களின் அடிப்படையில் மாணவ மாணவிகள் கலை மற்றும் அறிவியல் கல்லூரிகளில் சேர உள்ளனர்.
தமிழ்நாடு முழுவதும் 143 அரசு கலை மற்றும் அறிவியல் கல்லூரிகள் இயங்கி வருகின்றன. தற்போது இந்த கல்லூரிகளில் மாணவர் சேர்க்கைக்கு நாளை முதல் விண்ணப்பங்கள் பெற உள்ளது. எனவே மாணவர்கள் நாளை முதல் இணையம் மூலம் இந்த கல்லூரிகளில் சேர விண்ணப்பிக்கலாம் எனக் கல்லூரி கல்வி இயக்குநர் பூரண சந்திரன் தெரிவித்துள்ளார்.
இந்த கல்லூரியில் சேர விரும்பும் மாணவ மாணவிகள், tngasa.org மற்றும் tngasa,in ஆகிய தளங்கள் மூலம் விண்ணப்பிக்கலாம் என அறிவித்துள்ள பூரண சந்திரன் வரும் ஆகஸ்ட் 10 ஆம் தேதி வரை விண்ணப்பிக்கலாம் எனவும் தெரிவித்துள்ளார்.