இன்றுடன் தமிழகத்தில் தேர்தல் நடத்தை விதிகள் அமல் முடிவு’

சென்னை

இன்றுடன் தமிழகத்தில் தேர்தல் நடத்தை விதிகள் அமல் செய்யப்பட்டது முடிவுக்கு வருகிறது.

தேர்தல் ஆணையம் நாடாளுமன்ற தேர்தலுக்கான அறிவிப்பை கடந்த மார்ச் 16-ந் தேதி வெளியிட்டது. அப்போதில் இருந்து தேர்தல் நடத்தை விதிகள் நாடு முழுவதும் அமலுக்கு வந்தன. இந்த தேர்தல் நடத்தை விதிகள் ஜூன் 6-ந் தேதி வரை அமலில் இருக்கும் என்று தேர்தல் ஆணையம் அறிவித்தது.

விதிகளின்படி, ஒருவர் ரூ.50 ஆயிரத்திற்கு மேல் பணம் கொண்டு செல்வதற்கு தடை விதிக்கப்பட்டு அதிக மதிப்புள்ள பொருட்கள் கொண்டு செல்லவும் கட்டுப்பாடுகள் விதிக்கப்பட்டன. எனவே பறக்கும் படையினர், நிலையான கண்காணிப்பு குழுக்கள், வீடியோ கண்காணிப்பு குழுக்கள் மற்றும் வருமான வரித்துறையினரின் பல்வேறு குழுக்கள் அமைக்கப்பட்டு தொடர் சோதனை நடத்தப்பட்டு வந்தது.

சோதனையில் ரொக்கப்பணம், தங்கம், வெள்ளி உள்ளிட்ட விலை உயர்ந்த பொருட்கள், மதுபான வகைகள், இலவச பரிசுப்பொருட்கள், போதை பொருட்கள் என ரூ.1,300 கோடிக்கும் அதிக மதிப்பிலான பொருட்கள் பறிமுதல் செய்யப்பட்டன.  இதில் உரிய ஆவணங்கள் காட்டப்பட்ட பொருட்கள் மட்டும் விடுவிக்கப்பட்டன. ஏப்ரல் 19 அன்று தமிழகத்திலுல் தேர்தல் நடந்து முடிந்ததைத் தொடர்ந்து தமிழகம் முழுவதும் பறக்கும் படையினர் சோதனை நிறுத்தி வைக்கப்பட்டது.

தேர்தல் முடிவுகள் 4-ம் தேதி வெளியிடப்பட்டுவிட்ட போதிலும் தேர்தல் நடத்தை விதிகள் தொடர்ந்து அமலில் இருந்து வந்த நிலையில் இன்று  நள்ளிரவோடு தேர்தல் நடத்தை விதிகள் திரும்பப் பெறப்படுகின்றன. எனவே இனி பணம், பொருட்கள் கொண்டு செல்வதில் எந்தவித கட்டுப்பாடும் இருக்காது.