சென்னை
இளம்பெண் ஒருவர் அளித்த பாலியல் புகாரின் அடிப்படையில் பிரபல பாடகர் குருகுகன் கைது செய்யப்பட்டுள்ளார்.
பிரபல பாடகர் குருகுகன் ஹேப்பி ஸ்ட்ரீட் நிகழ்ச்சியில் பங்கேற்று மேலும் பிரபலமானார். சென்னை பரங்கிமலையை சேர்ந்த சாப்ட்வேர் என்ஜினீயர் பெண் ஒருவர் பாடகர் குருகுகன் மீது பாலியல் வன்கொடுமை புகார் அளித்திருந்தார்.
அந்த புகாரில் குருகுகன் தன்னை காதலித்து திருமணம் செய்வதாக கூறி கர்ப்பமாக்கியதாகவும், பின்னர் சாதியை சொல்லி திருமணம் செய்ய மறுத்துவிட்டு வெளிநாடு தப்பி செல்ல முயற்சிப்பதாகவும் தெரிவித்திருந்தார்.
இன்று இளம்பெண்ணை திருமணம் செய்வதாக கூறி மோசடி செய்த புகாரில் பாடகர் குருகுகனை காவட்ல்துறையினர் கைது செய்தனர். குருகுகன் மீதுபொய்யான உத்தரவாதம், மிரட்டி ஆதாரங்களை அழிப்பது உள்ளிட்ட பிரிவுகளில் வழக்குப்பதிவு செய்யப்பட்டுள்ளது.