‘சுதந்திர தினத்தில் காகத்தின் தேசபக்தி’ என்ற தலைப்பில் வீடியோ ஒன்று சமூக வலைதளங்களில் வைரலாகி வருகிறது.
கேரள மாநிலம் மாம்பட் கிராம பஞ்சாயத்துக்கு உட்பட்ட மாரமங்கலம் அங்கன்வாடியில் ஆகஸ்ட் 15-ம் தேதி சுதந்திர தின விழா கொண்டாடப்பட்டது.
விழாவின் ஒரு பகுதியாக அங்கன்வாடியில் உள்ள தற்காலிக கொடிக்கம்பத்தில் தேசியக்கொடி ஏற்றுவது என முடிவு செய்யப்பட்டது.
கொடி ஏற்றும் போது, கொடிக்கம்பத்தில் கயிறு சிக்கியது. இதையடுத்து, காகம் ஒன்று கொடிக்கம்பத்திற்கு பறந்து வந்து கொடியை அவிழ்க்க உதவியதாக சமூக வலைதளங்களில் வீடியோ ஒன்று பரவி வருகிறது. ஆனால் இது உண்மையல்ல.
சமூக வலைதளங்களில் பரவி வரும் இந்த வீடியோவின் உண்மை நிலையை அங்கன்வாடி ஆசிரியையே தெளிவுபடுத்தியுள்ளார். தேசியக் கொடியை உயர்த்த காகம் உதவியதாக வெளியான செய்தி உண்மையல்ல என்கிறார் ஆசிரியர்.
ஆசிரியரின் வாதத்தை ஊர்ஜிதம் செய்யும் வீடியோக்களும் வெளியாகியுள்ளன. முதலில் சமூக வலைதளங்களில் வைரலான அந்த வீடியோவின் மறுபக்கத்தில் இருந்து ஒரு வீடியோ தற்போது வெளியாகியுள்ளது.
இதில், அங்கன்வாடிக்கு வெளியே உள்ள தேசியக்கொடி கொடிக்கம்பத்தில் ஒட்டிய நிலையில் தென்னை மரத்தில் காகம் வந்து அமர்வது தெளிவாக தெரிகிறது.