சென்னை: தமிழக முதல்வராக நாளை மறுநாள் காலை 9 மணிக்கு மு.க.ஸ்டாலின் தமிழக முதல்வராக பதவி ஏற்கிறார். இந்த விழாவில் கலந்துகொள்ள முன்னாள் தமிழக முதல்வர், துணைமுதல்வருக்கு அழைப்பு விடுக்கப்பட்டுள்ளது.
தமிழக முதல்வராக நாளை மறுநாள் (வெள்ளிக்கிழமை) காலை 9 மணிக்கு திமுக தலைவர் மு.க.ஸ்டாலின் பதவி ஏற்க உள்ளதாக அறிவிக்கப்பட்டுள்ளது. சென்னை கிண்டியில் உள்ள ஆளுநர் மாளிகையில் எளிமையாக பதவி ஏற்பு விழா நடைபெறுகிறது. பதவி ஏற்பு விழாவில் குறைந்த அளவு நபர்களுக்கு மட்டுமே அனுமதி வழங்கப்பட்டு உள்ளது. சுமார் 300 பேர் வரை கலந்துகொள்ளும் வகையிலும், அழைப்பிதழ் கிடைத்தவர்கள் ஒருவர் மட்டுமே அனுமதிக்கப்படுவார்கள் என்று அறிவிக்கப்பட்டு உள்ளது.
இதையடுத்து, ஸ்டாலின் முதல்வராக பதவி ஏற்பு விழா நிகழ்ச்சியில் கலந்துகொள்ள முக்கியஸ்தர்களுக்கு அழைப்பு விடுக்கப்பட்டுள்ளது. அதன்படி, தமிழக முன்னாள் முதல்வர் எடப்பாடி பழனிச்சாமி, துணைமுதல்வர் ஓ.பன்னீர்செல்வம் ஆகியோருக்கும் அழைப்பு விடுக்கப்பட்டுள்ளது.