சென்னை: ‘ராஜ்பாஷா’ வை இந்திய மொழிகள் வளர்ச்சி துறைன்னு மாத்துங்க. ‘நீங்க உங்க மொழியில பேசுங்க, நாங்க எங்க மொழியில பேசுறோம்’ என திமுக எம்.பி. கனிமொழி கூறியுள்ளார்.
சமீபத்தில் நடைபெற்ற ‘ராஜ்பாஷா’ வெள்ளிவிழா நிகழ்ச்சியில் பேசிய உள்துறை அமைச்சர் அமித்ஷா, ஹிந்தி எந்த இந்திய மொழிக்கும் எதிரியாக இருக்காது. ஹிந்தி அனைத்து இந்திய மொழிகளுக்கும் நண்பன் என்று கூறினார். முன்னதாக நிகழ்ச்சி ஒன்றில் பேசிய அமித்ஷா, ஆங்கிலத்தில் பேசுபவர்கள் எதிர்காலத்தில் வெட்கப்படுவார்கள் என்று கூறியிருந்தார். இது கடுமையான எதிர்வினைகளை ஆற்றியது.
இந்த நிலையில், ஹிந்தி பற்றிய மத்திய அமைச்சர் அமித் ஷாவின் கருத்துக்கு திமுக நாடாளுமன்றக் குழுத் தலைவர் கனிமொழி பதிலளித்துள்ளார். இதுகுறித்து அவர் தனது எக்ஸ் தளத்தில் வெளியிட்டுள்ள பதிவில்,
“சரியாகச் சொன்னீங்க. அதையேதான் நாங்களும் சொல்கிறோம். நீங்க உங்க மொழியில பேசுங்க, நாங்க எங்க மொழியில பேசுறோம். தனியா ராஜ்பாஷா எல்லாம் தேவை இல்லை. அந்த பெயரை இந்திய மொழிகள் வளர்ச்சி துறைன்னு மாத்திடலாம்” என்று பதிவிட்டுள்ளார்.
