சென்னை: முதலமைச்சர் மு.க.ஸ்டாலின் தலைமையில் இன்று திமுக மாவட்ட செயலாளர்கள் கூட்டம் காணொளி வாயிலாக நடைபெற உள்ளது. இந்த கூட்டத்தில் 2026 சட்டமன்ற தேர்தல் குறித்துவிவாதிக்கப்படும் என எதிர்பார்க்கப்படுகிறது.
தமிழக முதலமைச்சர் மு.க.ஸ்டாலின் தலைமையில் இன்று திமுக மாவட்டச் செயலாளர்கள் கூட்டம் நடைபெறுகிறது. இந்த கூட்டத்தில் மாவட்ட செயலாளர்கள், நாடாளுமன்ற, சட்டமன்ற உறுப்பினர்கள், சார்பு அணிச் செயலாளர்கள், தொகுதி பார்வையாளர்கள் அனைவரும் தவறாமல் கலந்து கொள்ளும்படி கேட்டுக்கொள்வதாக கூறப்பட்டுள்ளது.
2026 சட்டமன்ற தேர்தலுக்கான பணிகளை தீவிரப்படுத்தி உள்ள திமுக தலைவரும், முதலமைச்சருமான ஸ்டாலின், சமீபத்தில் தான் ’உடன்பிறப்பே வா’ என்ற தலைப்பில் முதலமைச்சர் மு.க.ஸ்டாலின் தொகுதி வாரியாக நிர்வாகிகளை சந்தித்து கள நிலவரங்களை கேட்டறிந்தார்.
இந்த நிலையில், இந்த மாவட்ட செயலாளர்கள் கூட்டம் நடைபெறுவது முக்கியத்துவம் பெற்றுள்ளது. இந்த கூட்டத்தில் சட்டமன்றத் தேர்தலுக்கான வியூகங்கள், புதிய நியமனங்கள் ஆகியவை குறித்து ஆலோசிக்கப்படும் என எதிர்ப்பார்க்கப்படுகிறது. இந்த கூட்டத்தில் எதிர்க்கட் பாமக, தேமுதிக கட்சிகள் குறித்தும், விவாதிக்கப்படும் என கூறப்படுகிறது.
