சென்னை: தமிழ்நாட்டில் நகர்ப்புற உள்ளாட்சி தேர்தல் தேதி அறிவிக்கப்பட்டுள்ள நிலையில், திமுக மாவட்ட செயலாளர்கள் ஆலோசனை கூட்டம் இன்று மாலை முதல்வர் ஸ்டாலின் தலைமையில் நடைபெறுகிறது.
இதுகுறித்து திமுக பொதுச்செயலாளர் அமைச்சர் துரைமுருகன் அறிவிப்பு வெளியிட்டு உள்ளர். அதில், கழகத் தலைவர் மு.க.ஸ்டாலின் தலைமையில், இன்று (27-01-2022) மாலை 6 மணிக்கு காணொலிக் காட்சி வாயிலாக திமுக மாவட்டக் கழகச் செயலாளர்கள் மற்றும் நாடாளுமன்ற, சட்டமன்ற உறுப்பினர்கள் கூட்டம் நடைபெறும்.
இந்த கூட்டத்தில், மாவட்ட செயலாளர்கள் மற்றும் நாடாளுமன்ற, சட்டமன்ற உறுப்பினர்கள் அனைவரும் தவறாமல் பங்கேற்க வேண்டும் என்றும் தெரிவித்துள்ளார்.
இன்றைய ஆலோசனை கூட்டத்தில் திமுக மாவட்ட செயலாளர்கள் கூட்டத்தில் நகர்ப்புற உள்ளாட்சி தேர்தல் பணிகள் குறித்து ஆலோசிக்கப்பட உள்ளதாக தகவல் கூறப்படுகிறது.
