வாஷிங்டன்:
அமெரிக்காவில் கொரோனா வைரஸ் நாளுக்கு நாள் தீவிரமடைந்து வருகிறது. அங்கு கடந்த 24 மணி நேரத்தில் 779 பேர் உயிரிழந்து உள்ளனர்.
உலக வல்லரசு நாடான அமெரிக்கா, கொரோனா வைரஸ் தாக்குதலுக்கு பதிலடி கொடுக்க முடியாமல், விழிபிதுங்கி நிற்கிறது. உலக அளவில் கொரோனா பாதிப்பு அதிகரித்து வரும் நாடுகளில், அமெரிக்கா முன்னிலையில்உள்ளது. தற்போதைய நிலவரப்படி, அமெரிக்காவில், 435,128 பேருக்கு கொரோனா பாதிப்பு காணப்படுகிறது. கொரோனா பாதிப்பால் அமெரிக்காவில் மட்டும் 14,795-பேர் பலியாகியுள்ளனர்.
கடந்த 24 மணி நேரத்தல் நியூயார்க்கில் 779 பேர் பலியாகி இருப்பதாக கூறப்படுகிறது. இதை நியூயார்க்கின் ஆளுநர் ஆண்ட்ரூ குவாமோ உறுதி செய்துள்ளார். அங்கு பலியானவர்களின் எண்ணிக்கை 6,268 ஆக அதிகரித்துள்ளது.
கொரோனா பாதிப்பால், அமெரிக்காவில் வசித்து 11 இந்தியர்கள் பலியாகியுள்ளனர். மேலும் 16 இந்தியர்களுக்கு கொரோன தொற்று ஏற்பட்டுள்ளது. அமெரிக்காவில், கொரோனா பாதிப்பால் உயிரிழந்த அனைத்து இந்தியர்களும் ஆண்கள் என்பது குறிப்பிடத்தக்கது.