குளோரேட் வேதிப் பொருளின் அளவு அதிகமாக இருந்ததால் ஐரோப்பாவில் கோகோ கோலா பானங்கள் திரும்பப் பெறப்பட்டன.
கோக், ஃபாண்டா மற்றும் ஸ்ப்ரைட் உள்ளிட்ட பல்வேறு வகையான குளிர்பானங்களில் அதிக அளவு ரசாயன குளோரேட் இருந்ததால், ஐரோப்பிய சந்தையில் இருந்து கோகோ கோலா யூரோபாசிஃபிக் பார்ட்னர்ஸ் திரும்பப் பெற்றது.
பெல்ஜியம், நெதர்லாந்து, பிரிட்டன், ஜெர்மனி, பிரான்ஸ் மற்றும் லக்சம்பர்க் ஆகிய நாடுகளில் அதிகப்படியான அளவு ரசாயனம் கொண்ட கேன்கள் மற்றும் பாட்டில்கள் நவம்பர் முதல் விநியோகிக்கப்பட்டுள்ளன என்று கோகோ கோலா பாட்டில் பங்குதாரர் ஏஜென்ஸ் பிரான்ஸ்-பிரஸ்ஸிடம் தெரிவித்தார்.
328 GE முதல் 338 GE வரையிலான உற்பத்தி குறியீடுகளைக் கொண்ட எந்தவொரு கேன் அல்லது பாட்டிலையும் நுகர்வோர் திருப்பித் தர வேண்டும் என்று நிறுவனம் பெல்ஜிய ஒழுங்குமுறை ஆணையத்தின் வலைத்தளத்தில் ஒரு அறிக்கையில் தெரிவித்துள்ளது.
“குறைந்த அளவிலேயே பாதிப்பு உள்ளது என்றும் பாதிக்கப்பட்ட பெரும்பாலான தயாரிப்புகள் ஏற்கனவே திரும்பப் பெறப்பட்டுள்ளன” என்றும் அந்நிறுவன செய்தி குறிப்பில் கூறியுள்ளனர்.
பாதிக்கப்பட்ட பொருட்கள் ஏதேனும் பிரிட்டிஷ் சந்தையில் உள்ளதா என்பதை பிரிட்டனின் உணவு தர நிர்ணய நிறுவனம் விசாரித்து வருவதாக இங்கிலாந்து உணவு தர நிர்ணய நிறுவனம் கூறியுள்ளது.
