சென்னை
தமிழக முதல்வர் மு க ஸ்டாலின் இன்று கமலஹாசனுக்கு கருணாநிதி நூற்றாண்டு விழா நாணயத்தை கமலஹாசனுக்கு வழங்கி உள்ளார்.
இன்று மக்கள் நீதி மய்யம் கட்சியின் தலைவர் கமலஹாசனுக்கு கலைஞர் நூற்றாண்டு நினைவு ரூ.100 நாணயத்தை முதல்வர் மு.க.ஸ்டாலின் நேரில் வழங்கினார். அப்போது முதல்வரின் வெளிநாடு பயணத்திற்கும் கமலஹாசன் தனது வாழ்த்தைத் தெரிவித்துக் கொண்டார்.
மநீம தலைவர் கமலஹாசன் எக்ஸ் தளத்தில்,
முத்தமிழறிஞர் கலைஞர் கருணாநிதியின் நூற்றாண்டு நினைவு நாணயம் வெளியீட்டு விழாவுக்கு அழைக்கப்பட்டிருந்தேன். முன்னரே ஒப்புக்கொண்ட பணிகளால் அந்த வரலாற்றுச் சிறப்பு மிக்க விழாவில் கலந்துகொள்ள இயலவில்லை.
நவீனத் தமிழகத்தை நிர்மாணித்தவரும், இந்திய அரசியலில் மாபெரும் சக்தியாக விளங்கியவரும், வாழ்நாள் முழுவதையும் தமிழுக்காகவும், தமிழர் நலன்களுக்காகவும் அர்ப்பணித்த வரலாற்று நாயகருக்கு சிறப்பான முறையில் நூற்றாண்டு விழா நடத்தி, முத்தாய்ப்பாக நாணயம் வெளியாக பெருமுயற்சி எடுத்த நண்பர், தமிழ்நாட்டின் முதல்-அமைச்சர் மு.க.ஸ்டாலின் அவர்களை இன்று அவரது இல்லத்தில் சந்தித்து பாராட்டு தெரிவித்தேன். அவரது வெளிநாட்டுப் பயணம் வெற்றி பெற வாழ்த்தினேன்.
என்று பதிவிட்டுள்ளார்.