தமிழகத்தில் நடந்து முடிந்த சட்டப்பேரவைத் தேர்தலில் திமுக தனிப் பெரும்பான்மையுடன் ஆட்சியமைக்கவுள்ளது. நேற்று (மே 2) நடைபெற்ற வாக்கு எண்ணிக்கையில் திமுக கூட்டணிக் கட்சியினர் 159 இடங்களைக் கைப்பற்றினர். இதனைத் தொடர்ந்து தமிழக முதல்வராக திமுக தலைவர் மு.க.ஸ்டாலின் பதவியேற்கவுள்ளார்.
இதனைத் தொடர்ந்து திமுக தலைவர் ஸ்டாலினுக்குப் பல்வேறு அரசியல் கட்சித் தலைவர்கள், திரையுலக பிரபலங்கள் எனப் பலரும் வாழ்த்து தெரிவித்து வருகிறார்கள்.
தனுஷ் : ”தனிப்பெரும் வெற்றி பெற்ற முதல்வர் திரு.மு.க.ஸ்டாலின் ஐயா அவர்களுக்கு வணக்கம். மக்கள் பணி சிறக்க எமது வாழ்த்துக்கள்”
பிரகாஷ்ராஜ்: உயரிய வெற்றி. வாழ்த்துக்கள் முக ஸ்டாலின். மாற்றத்துக்கான தீர்ப்பைத் தமிழக மக்கள் வழங்கியிருக்கின்றனர். மாற்றத்தைப் பார்ப்பேன் என்று நம்புகிறேன், விரும்புகிறேன். வாழ்த்துக்கள்.
விக்ரம் பிரபு: முக ஸ்டாலினுக்கும் , சகோதரர் உதயநிதிக்கும் மிகப்பெரிய வெற்றிக்கு மனமார்ந்த வாழ்த்துக்கள். உங்கள் நிர்வாகத்தில் சிறந்த ஆண்டுகள் வரும் என்று விரும்புகிறேன்.
பா.இரஞ்சித்: தமிழக மக்கள் ஆட்சி மாற்றத்திற்கான, தங்களது தெளிவான நம்பிக்கையான மு.க.ஸ்டாலினை தேர்ந்தெடுத்திருக்கிறார்கள்! சாதி மத வேறுபாடுகளைக் கடந்து சமூக நீதியை நிலை நாட்ட தங்களது தலைமையிலான ஆட்சியில் சமரசமற்ற முன்னெடுப்புகள் அமைய வாழ்த்துகள் !
சதீஷ்: தமிழக சட்டப்பேரவைத் தேர்தலில் மாபெரும் வெற்றி பெற்றிருக்கும் மு.க.ஸ்டாலினுக்கும், உதயநிதி ஸ்டாலினுக்கும் நெஞ்சம் நிறைந்த வாழ்த்துக்கள்
சி.வி.குமார்: எவ்வளவு போராட்டங்கள்? தடைகள்? இந்த முக்கியச் சூழலில் திமுகவை வெற்றிக்கு வழிநடத்தினார். ஒரு தலைவனாகத் தன்னை நிரூபித்திருக்கிறார். தமிழகத்தின் முன்னேற்றத்துக்குத் தமிழக மக்கள் முக ஸ்டாலின் அவர்களை நம்புகிறார்கள்.
சிபிராஜ்: நமது புதிய முதல்வர் முக ஸ்டாலினை கொண்டாட வேண்டிய, வரவேற்க வேண்டிய நேரம் இது. மனமார்ந்த வாழ்த்துக்கள் உதயநிதி அவர்களே. புதிய அரசுக்கு என் வாழ்த்துக்கள். உரித்தான வெற்றி.
சூரி: 40 வருட கடின உழைப்பிற்கும் ,பொறுமைக்கும் பலனாக 6 வது முறை தி.மு.க சார்பில் தமிழக முதல்வராகப் பதவி ஏற்கும் கழக தலைவர் முக ஸ்டாலினுக்கு என் மனமார்ந்த வாழ்த்துக்கள்
ஜி.வி.பிரகாஷ்: திமுக தலைவராகத் தேர்தலைச் சந்தித்து தமிழக முதல்வராகப் பொறுப்பேற்கும் முக ஸ்டாலினுக்கு வாழ்த்துக்கள் … வாழ்த்துக்கள் உதயநிதி ஸ்டாலின் மற்றும் அன்பில் மகேஷ்
ஹாரிஸ் ஜெயராஜ்: ஸ்டாலின் அவர்களுக்கும், உதயநிதி அவர்களுக்கும் வெற்றி பெற்றதற்கு வாழ்த்துக்கள்.
விஷ்ணு விஷால்: முக ஸ்டாலினை சுற்றி அனைவரும் எவ்வளவு வருடங்கள், எவ்வளவுக் கடினமாக உழைத்தார்கள் என்பதை நான் தனிப்பட்ட முறையில் பார்த்திருக்கிறேன். அவர்களுக்கு உரிய வெற்றி தான். முக ஸ்டாலின் தலைமையின் கீழ் தமிழகம் மக்களுக்கான, முற்போக்குக் கொள்கைகளைப் பார்க்கக் காத்திருக்கிறோம். உங்களது அட்டகாசமான வெற்றிக்கு வாழ்த்துக்கள் முக ஸ்டாலின் அவர்களே, உங்கள் தலைமையில் தமிழகம் செழிக்கும், சரியான திசையில் முன்னேறும் என்று நான் நம்பிக்கையாக இருக்கிறேன்.
வரலட்சுமி: முக ஸ்டாலின் அவர்கள், உதயநிதி ஸ்டாலின் அவர்கள் மற்றும் ஒட்டுமொத்த திமுகவுக்கு வாழ்த்துக்கள். உங்கள் ஆட்சியை எதிர்நோக்கியுள்ளேன். எங்களை உயர்த்துங்கள். உங்களது இந்தப் பயணம் தமிழகத்துக்குச் சிறப்பானதாக இருக்கட்டும்.
சாம் சி.எஸ்: முக ஸ்டாலினுக்கு என் மனமார்ந்த வாழ்த்துக்கள். சகோதரர் உதயநிதி அவர்களே, மிகுந்த மகிழ்ச்சி…!
ஜெயம் ரவி: நமது புதிய முதல்வர் முக ஸ்டாலின் அவர்களின் வெற்றிக்கு வாழ்த்துக்கள். சகோதரர் உதயநிதி அவர்களுக்கும் வாழ்த்துகள். இந்த கடினமான காலகட்டத்தில் உங்கள் ஆட்சியை அதிக எதிர்பார்ப்புகளோடு எதிர்நோக்கியிருக்கிறோம்.
கார்த்தி : “மிக முக்கிய தருணத்தில், தமிழக முதல்வராகும் திரு.மு.க.ஸ்டாலின் அவர்கள், நமது தனிப்பெரும் அடையாளங்களான சமூக நீதி, மத நல்லிணக்கம், கல்வி, மருத்துவம், சுகாதாரத்தோடு, வேளாண்மை மற்றும் சுற்றுச்சூழல் பாதுகாப்பிற்கும் முக்கியத்துவம் அளித்து, மக்கள் விரும்பும் நல்லாட்சி அமைத்திட வாழ்த்துக்கள்!”
ஆத்மிகா : ”மக்களின் பேராதரவுடன் தமிழகத்தின் அடுத்த முதல்வராக பதவியேற்று மக்கள் பணியில் சாதனை படைக்க இருக்கும் திமுக தலைவர் மு.க.ஸ்டாலின் அவர்களுக்கு வாழ்த்துகள்”
ஜீவா: “எங்கள் புதிய முதல்வர் மு.க.ஸ்டாலினுக்கு வாழ்த்துக்கள். சிங்கரா தமிழ்நாடு (உங்கள் தலைமையின் கீழ் சிங்காரா சென்னை பிறந்த விதம்) உருவாக வேண்டும். மற்றும் எனது சகோதரர் உதயநிதி ஸ்டாலின், முதல் முறையாக சட்டமன்ற உறுப்பினராக ஆனதற்கு வாழ்த்துக்கள்”
சிவகார்த்திகேயன் : ”தமிழக தேர்தலில் பெரும் வெற்றி பெற்றிருக்கும் மு.க.ஸ்டாலின் அய்யா அவர்களுக்கும், தன் முதல் வெற்றியை பதிவு செய்திருக்கும் உதயநிதி ஸ்டாலின் சாருக்கும் மனமார்ந்த வாழ்த்துகள்”