சென்னை: தமிழகத்தில் 3 மாவட்டங்களில் கனமழைக்கும், ஒருசில மாவட்டங்களில் லேசான மழை பெய்யவும் வாய்ப்பு உள்ள சென்னை வானிலை மையம் அறிவித்து உள்ளது.
இதுகுறித்து வானிலை ஆய்வு மையம் வெளியிட்டுள்ள செய்திக்குறிப்பில், வெப்பசலனம் காரணமாக 3 மாவட்டங்களில் தமிழகத்தில் அடுத்த 24 மணி நேரத்தில் இடியுடன் கூடிய கன மழைக்கு வாய்ப்பு உள்ளது.
திருநெல்வேலி, தென்காசி, உள்ளிட்ட மாவட்டங்களில் இடியுடன் கூடிய லேசான மழைக்கும், சிவகங்கை, ராமநாதபுரம், விருதுநகர் மாவட்டங்களில் இடியுடன் கூடிய கனமழைக்கும் வாய்ப்பு உள்ளது.
நாளை (2ந்தேதி) மற்றும் 3ம் தேதிகளில் மேலடுக்கு சுழற்சி காரணமாக பெரும்பாலான மாவட்டங்கள் மற்றும் புதுவை, காரைக்காலில் இடியுடன் கூடிய லேசானது முதல் மிதமான மழையும் சேல்ம் உள்பட சில மாவட்டங்களில் இடியுடன் கூடிய கனமழை முதல் மிகக்கன மழையும் பெய்யக் கூடும்.
இவ்வாறு அதில் கூறப்பட்டுள்ளது.