இயக்குனர் கார்த்திக் சுப்புராஜின் ஸ்டோன் பெஞ்ச் தயாரிப்பில் உருவாகி இருக்கும் பூமிகா திரைப்படத்தை இயக்குனர் ரதீந்திரன் ஆர் பிரசாத் இயக்கியுள்ளார்.
ஐஸ்வர்யா ராஜேஷ் பிரதான நாயகியாக நடிக்கும் ‘பூமிகா’ அவரது 25-வது படமாக உருவாகியுள்ளது. பூமிகா திரைப்படத்தில் நடிகை ஐஸ்வர்யா ராஜேஷ் உடன் இணைந்து நடிகை அவந்திகா மற்றும் நடிகர் பாவல் நவகீதன் முக்கிய கதாபாத்திரங்களில் நடித்துள்ளனர்.
ஒளிப்பதிவாளராக ராபர்ட், இசையமைப்பாளராக ப்ரித்வி சந்திரசேகர், எடிட்டராக ஆனந்த் ஆகியோர் பணிபுரிந்துள்ளனர்.
கொரோனா அச்சுறுத்தலால் இன்னும் திரையரங்குகள் திறக்கப்படாமல் உள்ளன. இதனால் ‘மண்டேலா’, ‘வெள்ளை யானை’ உள்ளிட்ட சில படங்களைத் தொடர்ந்து, தற்போது ‘பூமிகா’ படமும் தொலைக்காட்சியில் ஒளிபரப்பாகவுள்ளது. ஆகஸ்ட் 22ஆம் தேதி விஜய் டிவியில் ‘பூமிகா’ படம் ஒளிபரப்பாகும். அன்றைய தினமே நெட்ஃப்ளிக்ஸ் தளத்தில் வெளியிடப் படக்குழு திட்டமிட்டுள்ளது.
இதனை அறிவிக்கும் விதமாக புதிய ட்ரைலர் இன்று வெளியானது.
[youtube-feed feed=1]