பீகாரில் சிறப்பு விரிவான திருத்தம் (SIR)க்குப் பிறகு வரைவு வாக்காளர் பட்டியலில் இருந்து விடுபட்ட சுமார் 65 லட்சம் வாக்காளர்களின் விவரங்களை ஆகஸ்ட் 9 ஆம் தேதிக்குள் சமர்ப்பிக்குமாறு தேர்தல் ஆணையத்திற்கு உச்ச நீதிமன்றம் இன்று உத்தரவிட்டுள்ளது.
நீதிபதிகள் சூர்யகாந்த், உஜ்ஜல் பூயான் மற்றும் என். கோடீஸ்வர் ஆகியோர் அடங்கிய அமர்வு, வாக்காளர் பட்டியலில் இருந்து நீக்கப்பட்ட வாக்காளர்களின் விவரங்களையும், ஏற்கனவே அரசியல் கட்சிகளுடன் பகிரப்பட்ட தரவுகளையும் வழங்கவும், ‘ஜனநாயக சீர்திருத்தங்களுக்கான சங்கம்’ (ADR)-க்கு ஒரு நகலை வழங்கவும் தேர்தல் ஆணையத்திற்கு உத்தரவிட்டது.
இது ஒரு வரைவு பட்டியல் என்பதால், வாக்காளர் பட்டியலில் இருந்து பெயர்கள் நீக்கப்பட்டதற்கான காரணத்தை தேர்தல் ஆணையம் வரும் வெளியிடவேண்டும் என்றும் கூறியது.
‘சில அரசியல் கட்சிகளுக்கு நீக்கப்பட்ட வாக்காளர் பட்டியல் வழங்கப்பட்டுள்ளது. இருப்பினும், கேள்விக்குரிய வாக்காளர் இறந்துவிட்டாரா அல்லது இடம்பெயர்ந்துவிட்டாரா என்பதை அவர்கள் மேலும் தெளிவுபடுத்தவில்லை, ”என்று ADR-க்காக ஆஜரான வழக்கறிஞர் பிரசாந்த் பூஷண் வாதிட்டார்.
முன்னதாக, பீகாரில் வாக்காளர் பட்டியல்களில் சிறப்பு விரிவான திருத்தம் (SIR) நடத்த ஜூன் 24 அன்று தேர்தல் ஆணையத்தின் உத்தரவை எதிர்த்து ADR உச்ச நீதிமன்றத்தில் மனு தாக்கல் செய்தது.
பீகாரில் சுமார் 65 லட்சம் வாக்காளர்களின் பெயர்கள் நீக்கப்பட்டுள்ளன. வாக்காளர் பட்டியலில் இருந்து நீக்கப்பட்டவர்களின் பெயர்களை, அவர்கள் இறந்துவிட்டார்களா, நிரந்தரமாக இடம்பெயர்ந்துவிட்டார்களா அல்லது வேறு எந்த காரணத்திற்காகவும் பரிசீலிக்கப்படவில்லையா என்பதைக் குறிப்பிட்டு வெளியிட தேர்தல் ஆணையத்திற்கு உத்தரவிடுமாறு உச்ச நீதிமன்றத்தை அது கோரியது.
