பாட்னா: பீகாரில் 11,000 பேர் ‘கண்டுபிடிக்க முடியாத’ வாக்காளர்கள் என கண்டுபிடிக்கப்பட்டுள்தாக, தேர்தல் ஆணையம் தெரிவித்துள்ளது. இவர்கள், அகதி களாக வந்த வங்கதேசிகள் அல்லது ரோஹிங்கியாக்களாக இருக்கலாம்’ என நம்பப்படுகிறது.
பிஹாரில் எதிர்வரும் சட்டப் பேரவை தேர்தலை முன்னிட்டு வாக்காளர் பட்டியலை திருத்தும் பணி நடந்து வருகிறது. அங்கு, அகதிகளாக வந்த வங்கதேசத்தினர், உள்பட வெளிநாடுகளைச் சேர்ந்த அகதிகள் போலியாக வாக்காளர் அட்டை பெற்று வாக்காளர் பட்டியலில் இடம் பிடித்துள்ளதாக கூறப்படுகிறது. அதுபோன்ற வாக்காளர்களை நீக்கும் பணியில் இந்திய தேர்தல் ஆணையம் அதிரடியாக இறங்கி உள்ளது.
தேர்தல் ஆணைய அதிகாரிகளின் கூற்றுப்படி, மொத்த வாக்காளர்களில் 5.3% பேர் அதாவது, கிட்டத்தட்ட 41.6 லட்சம் வாக்காளர்கள், அவர்களின் முகவரி களில் காணப்படவில்லை என்று தெரிவித்துள்ளது.
இந்த ஆண்டு இறுதியில் பீகாரில் சட்டமன்ற தேர்தல் நடைபெற உள்ளதால், முதற்கட்டமாக பீகாரில் சிறப்பு ஆய்வுகள் மேற்கொள்ளப்பட்டு வருகின்றன. அதற்காக பல்வேறு ஆவணங்களை அதிகாரிகள் சரிபார்த்து வருகின்றன. ஆதார், வோட்டர் ஐடி, ரேசன் கார்டுகளை நம்பாமல், அவர்களின் குடியுரிமை சான்டிறிதழை கேட்டு பெற்று அதன்மூலம் அவர்களின் வாக்குறுரிமை உறுதி செய்யப்படுகிறது.
இந்த ஆய்வு பணி இந்த மாதத்துடன் முடிவடைய உள்ளது. அதனால் சம்பந்தப்பட்டவர்கள், அதற்குரிய ஆவங்களை சமர்ப்பித்து வாக்காளர் அட்டையை புதுப்பித்துக்கொள்ள அறிவுறுத்தப்பட்டுள்ளது. இந்த நிலையில், இதுவரை 11,000 பேரை கண்டுபிடிக்க முடியாத வாக்காளர்கள் கண்டுபிடிக்கப்பட்டு உள்ளதாக என தேர்தல் ஆணையம் தெரிவித்துளள்து. கணக்கீட்டு படிவங்களை நிரப்ப இன்னும் ஆறு நாட்கள் உள்ள நிலையில், மீதமுள்ள கிட்டத்தட்ட 32 லட்சம் வாக்காளர்கள் வரைவுப் பட்டியலில் சேர்க்கப்படுவதை உறுதி செய்வதற்கான முயற்சிகள் மேற்கொள்ளப்பட்டு வருவதாக தேர்தல் ஆணையம் தெரிவித்துள்ளது
இதுகுறித்து தேர்தல் ஆணைய அதிகாரி ஒருவர் கூறுகையில், “கண்டுபிடிக்க முடியாத வாக்காளர்கள் குறிப்பிட்ட முகவரியில் இல்லை என்பதுடன் அவர்கள் அங்கு வசித்ததாக அண்டை வீட்டாராலும் உறுதி செய்யப்படவில்லை. சில சந்தர்ப்பங்களில், அந்த முகவரிகளில் எந்த வீடும் அல்லது குடியிருப்பும் இல்லை. அவர்கள் சட்டவிரோத குடியேறிகளாக (வங்கதேசத்தினர் அல்லது ரோஹிங்கியாக்கள்) அண்டை மாநிலங்களில் வசித்து வந்திருக்கலாம், எப்படியோ பிஹாரில் வாக்காளர் அடையாள அட்டை பெற்றிருக்கலாம்.
வாக்காளர் பட்டியலில் சுருக்கத் திருத்தப் பணி மேற்கொள்ளும்போது தேவையான சோதனைகள் இல்லாததாலோ அல்லது முறைகேடான வழியிலோ அவர்களின் பெயர் நீக்கப்படாமல் இருந்திருக்கலாம். இது தேர்தலின்போது கள்ள வாக்குகள் பதிவாகும் அபாயத்தை ஏற்படுத்துகிறது” என்றார்.
பிஹாரில் 3 முறை கட்டாய பரிசோதனைக்கு பிறகும் 41.6 லட்சம் வாக்காளர்கள் (மொத்த வாக்காளர்களில் 5.3% பேர்) அவர்களின் முகவரிகளில் காணப்படவில்லை.
இவர்களில் 14.3 லட்சம் (1.8%) பேர் இறந்திருக்கலாம் எனவும் 19.7 லட்சம் பேர் அல்லது 2.5% பேர் நிரந்தரமாக இடம் மாறியிருக்கலாம் எனவும் நம்பப்படுகிறது. 7.5 லட்சம் அல்லது 0.9% பேர் ஒன்றுக்கும் மேற்பட்ட இடங்களை சேர்ந்தவர்கள் என கண்டறியப்பட்ட நிலையில் 11,000 பேரை முற்றிலும் கண்டுபிடிக்க முடியவில்லை.
“இறந்த வாக்காளர்களை பட்டியலில் இருந்து நீக்காமல் இருப்பதும் கள்ள வாக்குகளுக்கு ஒரு வாய்ப்பாக அமைந்துவிடும். முகவரியில் காணப்படாத வாக்காளர்கள் எண்ணிக்கை, சில தொகுதிகளில் வேட்பாளர்களின் வெற்றிக்கான வாக்கு வித்தியாசத்தை விட அதிகமாக இருக்கலாம். எனவே இதுபோன்ற முரண்பாடுகளை கண்டறிந்து களைவதற்கு வாக்காளர் பட்டியல் திருத்தப் பணி அவசியமாகிறது’’ என்றார்.
பிஹாரின் 7.9 கோடி வாக்காளர்களில் கிட்டத்தட்ட 96% பேர் தங்கள் சேர்க்கை படிவங்களை சமர்ப்பித்துள்ளனர். இதுவரை பெறப்பட்ட 90.6% வாக்காளர் படிவங்களில் கிட்டத்தட்ட 88.2% டிஜிட்டல் மயமாக்கப்பட்டுள்ளன.
இவ்வாறு தெரிவித்துள்ளார்.
தேர்தல் ஆணைய அதிகாரிகளின் கூற்றுப்படி, மொத்த வாக்காளர்களில் 5.3% பேர், BLO-க்கள் மூன்று முறை கட்டாய வருகைகள் செய்தபோதிலும், கிட்டத்தட்ட 41.6 லட்சம் வாக்காளர்கள், அவர்களின் முகவரிகளில் காணப்படவில்லை.
இவர்களில் 14.3 லட்சம் (1.8%) பேர் இறந்திருக்கலாம் என நம்பப்படும் வாக்காளர்கள், 19.7 லட்சம் பேர் அல்லது 2.5% பேர் நிரந்தரமாக இடம்பெயர்ந்த வாக்காளர்கள், 7.5 லட்சம் பேர் அல்லது 0.9% பேர் பல இடங்களில் சேர்ந்த வாக்காளர்கள் மற்றும் 11,000 ‘கண்டுபிடிக்க முடியாத’ வாக்காளர்கள் அடங்குவர்.
பீகாரின் 7.9 கோடி வாக்காளர்களில் கிட்டத்தட்ட 96% பேர் தங்கள் சேர்க்கை படிவங்களைச் சமர்ப்பித்துள்ளனர். இதுவரை பெறப்பட்ட 90.6% வாக்காளர் படிவங்களில் கிட்டத்தட்ட 88.2% பேர் டிஜிட்டல் மயமாக்கப்பட்டுள்ளனர். ஆகஸ்ட் மாதம் வெளியிடப்படும் வரைவு வாக்காளர் பட்டியலில் தகுதியான வாக்காளர்கள் யாரும் விடுபடாமல் இருப்பதை உறுதிசெய்ய, ஒவ்வொரு வாக்காளரையும் தொடர்பு கொள்ள முயற்சிப்பதாக தேர்தல் ஆணையம் தெரிவித்துள்ளது.
கணக்கெடுப்பு படிவங்களை நிரப்புவதற்கு இன்னும் ஆறு நாட்கள் உள்ள நிலையில், மீதமுள்ள கிட்டத்தட்ட 32 லட்சம் வாக்காளர்கள் வரைவுப் பட்டியலில் சேர்க்கப்படுவதை உறுதி செய்வதற்கான முயற்சிகள் மேற்கொள்ளப்பட்டு வருவதாக தேர்தல் ஆணையம் தெரிவித்துள்ளது.
சாவடி நிலை அதிகாரிகள் ஏற்கனவே மூன்று சுற்றுகளுக்கு மேல் வீடு வீடாகச் சென்று வாக்காளர்களுடன் தொடர்பை ஏற்படுத்தியுள்ளனர்.
முழு தேர்தல் இயந்திரத்தின் ஒருங்கிணைந்த முயற்சியுடன், சாவடி நிலை அதிகாரிகளின் மற்றொரு சுற்று வருகையும் மீதமுள்ள வாக்காளர்களுடன் தொடர்பை ஏற்படுத்தத் தொடங்கப்பட்டுள்ளது என்றும் அதிகாரிகள் தெரிவித்துள்ளனர்.
