பொன்னியின் செல்வன் திரைக்கதையை மணிரத்னத்துடன் இணைந்து குமரவேலும் உருவாக்கியுள்ளார். வசனகர்த்தாவாக ஜெயமோகன் , சண்டைக் காட்சிகள் இயக்குநராக ஷாம் கெளஷல், எடிட்டராக ஸ்ரீகர் பிரசாத், ஆடை வடிவமைப்பாளராக ஏகா லக்கானி, மேக்கப் கலைஞராக விக்ரம் கைக்வாத், நடன வடிவமைப்பாளராக பிருந்தா ஆகியோர் பணிபுரியவுள்ளனர்.
ரவி வர்மன் ஒளிப்பதிவு செய்யும் இந்தப் படத்துக்கு கலை இயக்குநராக தோட்டாதரணி ஒப்பந்தம் செய்யப்பட்டுள்ளார் . இது தமிழ், இந்தி, தெலுங்கு, மலையாளம் போன்ற மொழிகளில் உருவாக உள்ளது. லைகா நிறுவனம் தயாரிக்கவுள்ள இந்த படத்தின் பட்ஜெட் ரூ.800 கோடி என்று கூறப்படுகிறது. மேலும் ஏ.ஆர்.ரஹ்மான் இசையில் வைரமுத்து 12 பாடல்கள் எழுதுகிறார்.
விக்ரம், கார்த்தி, ‘ஜெயம்’ ரவி, விக்ரம் பிரபு, ரகுமான், ஐஸ்வர்யா ராய் பச்சன், த்ரிஷா, ஐஸ்வர்யா லட்சுமி, சரத்குமார், பிரபு, ஜெயராம், அஸ்வின், கிஷோர் , ரியாஸ்கான் உள்ளிட்ட பலர் நடிக்கவுள்ளார்கள்.
இந்நிலையில் தற்போது தான் ஏன் மணிரத்னத்தின் பொன்னியின் செல்வன் படத்தினை நிராகரித்தேன் என அமலா பால் கூறியுள்ளார் .
“எல்லோரும் எல்லா படங்களிலும் நடித்துவிட முடியாது. பொன்னியின் செல்வனில் எனக்கு வந்த கதாபாத்திரம் எனக்கு சரியாக இருக்கும் என தோன்றவில்லை. அதில் என்னால் சிறப்பாகவும் நடிக்க முடியாது. தற்போது அந்த வாய்ப்பை நிராகரித்துவிட்டால், பின்னால் வரும் விமர்சனத்தில் இருந்து தப்பித்துக்கொள்ளலாம் என நினைத்தேன். வரும்காலத்தில் மணிரத்னம் சாரின் வேறு படங்களில் நடிக்க வாய்ப்பு கிடைக்கும் என நம்புகிறேன்” என கூறியுள்ளார் அமலா பால்