சென்னை
வரும் 28 ஆம் தேதி நடைபெற உள்ள பொதுக்குழு குறித்து தவெக நிர்வாகிகள் ஆய்வு செய்துள்ள்னர்.
அண்மையில் தமிழ் திரையுலகின் முன்னணி நடிகரான விஜய், தமிழக வெற்றிக் கழகம் என்ற பெயரில் அரசியல் கட்சியை அண்மையில் தொடங்கியதையடுத்து தமிழக வெற்றிக் கழகத்தின் முதல் அரசியல் மாநாடு விழுப்புரம் மாவட்டம் விக்கிரவாண்டியில் கடந்த ஆண்டு அக்டோபர் மாதம் 27-ந்தேதி பிரமாண்டமாக நடந்தது. இந்தமாநாட்டில் விஜய்யின் பரபரப்பான பேச்சு தமிழக அரசியல் வட்டாரத்தில் பெரும் அதிர்வலையை ஏற்படுத்தியது.
வரும் 2026-ம் ஆண்டு சட்டசபை தேர்தலை எதிர்கொள்ள தமிழக வெற்றிக்கழகம் தயாராகி வருகிறது. அதன்படி அரசியல் வியூகங்களை விஜய் அமைத்து வருவதுடன் தமிழகம் முழுவதும் கட்சிக்கு மாவட்ட செயலாளர்கள், புதிய நிர்வாகிகளை விஜய் நியமித்து வருகிறார்.
வருகிற 28-ம் தேதி தமிழக வெற்றிக் கழக பொதுக்குழு நடைபெறவுள்ள திருவான்மியூர் ராமச்சந்திரா கன்வென்ஷன் சென்டரில் முன்னேற்பாடுகள் அக்கட்சி நிர்வாகிகள் ஆய்வு செய்தனர். பொதுச்செயலாளர் ஆனந்த், தேர்தல் மேலாண்மை பிரிவு பொதுச் செயலாளர் ஆதவ் அர்ஜுனா ஆகியோர் நேரில் சென்று ஆய்வு செய்து நடைபெற்று வரும் ஏற்பாடுகள், பணிகள் குறித்து நிர்வாகிகளிடம் கேட்டறிந்து விரைந்து முடிக்க அறிவுறுத்தினர்.