சென்னை: பாஜக உறுப்பினரும், நகைச்சுவை நடிகருமான செந்திலுக்கு கொரோனா தொற்று உறுதியாகி உள்ளது. இதையடுத்து அவர் சென்னை அருகே காட்டாங்கொளத்தூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார்.
பிரபல நகைச்சுவை நடிகர் செந்தில், பல ஆண்டுகாலமாக அதிமுகவில் இணைந்து பிரசாரம் மேற்கொண்டு வந்தார். சமீபத்தில் நடைபெற்று முடிந்த சட்டமன்ற தேர்தலின்போது, அவர் அதிமுகவில் இருந்து விலகி பாஜகவில் இணைத்துக்கொண்டார். பின்னர், பாஜக, அதிமுக கூட்டணி வேட்பாளர்களுக்கு பிரசாரம் மேற்கொண்டு வந்தார்.
இந்த நிலையில், செந்திலுக்கு கடந்த சில நாட்களாக உடல்நவலம் பாதிக்கப்பட்டது. அவருக்கு கொரோனா தொற்று சோதனை மேற்கொள்ளப்பட்டது. அதில், அவருக்கு கொரோனா தொற்று உறுதி செய்யப்பட்டது.
இதையடுத்து, அவர் காட்டாங்குளத்தூரில் உள்ள தனியார் மருத்துவமனையில் சிகிச்சை பெற்று வருகிறார். அவரது உடல்நிலை சீராக இருப்பபதாகவும், இன்னும் மூன்று தினங்களில் அவர் வீடு திரும்புவார் என்று மருத்துவர்கள் தெரிவித்துள்ளனர்.